प्रहरीका कमीकमजोरी औंल्याइदिन लुम्बिनी प्रदेश प्रहरी प्रमुख राईको आग्रह

सुरक्षा-अपराध

गृहपृष्ठ
सुरक्षा-अपराध
प्रहरीका कमीकमजोरी औंल्याइदिन लुम्बिनी प्रदेश प्रहरी प्रमुख राईको आग्रह

प्रहरीका कमीकमजोरी औंल्याइदिन लुम्बिनी प्रदेश प्रहरी प्रमुख राईको आग्रह

बिहीबार, माघ १२, २०७९ बागेश्वरी पोस्ट

नेपालगन्ज । नेपाल प्रहरीका लुम्बिनी प्रदेश प्रहरी प्रमुख डीआईजी टेकप्रसाद राईले प्रहरीबाट कहिलेकाहीँ हुने कमीकमजोरीलाई सुधार गर्ने गरी औंल्याइदिएर संगठन सुधार्न कलम चलाएर सहयोग गरिदिन पत्रकारहरुसँग आग्रह गरेका छन् ।

दाङ तुलसीपुरस्थित लुम्बिनी प्रदेश प्रहरी प्रमुखको जिम्मेवारी सम्हालेपछि पत्रकारहरुसँगको भेटघाटमा डीआईजी राईले ‘प्रहरीले कहाँ चाहिँ नराम्रो गरेको छ र त्यसलाई कसरी सुधार्न सकिन्छ,’ त्यस बारेमा पनि पत्रकारहरुले कलम चलाइदिन आग्रह गरेका छन् । प्रहरीले नराम्रो गरे प्रहरी कंट्रोल नम्बर १०० मा फोन गर्नुस्, त्यसमा फोन गर्दा रेस्पोन्स भएन, तितो बोल्यो वा झर्कैर बोलेमा सिधैं आफूलाई खबर गर्न राईले अनुरोध गरेका छन् ।

मुस्कानसहितको प्रहरी सेवा भनेको हुँदा प्रहरीले झर्केर बोल्न नमिल्ने उनले बताए । प्रहरी मेरो साथी भन्ने कुरा लागू भइसकेको भएपनि कतिपय प्रहरीले जिम्मेवारी बिपरित गरे तत्काल खबर गर्न डीआईजी राईले आग्रह गरेका थिए । प्रहरी संगठन विपरीत कार्य र मर्यादा विपरीत चल्ने जो कोही प्रहरीलाई कारबाही गरिने राईले बताए ।

प्रहरी कार्यालयमा कु नैपनि निवेदन दिँदा वा लेखाउँदा पैसा नलाग्ने र प्रहरीले पैसा लिए आफूलाई सूचना दिन डीआईजी राईले अनुरोध गरेका छन् । लुम्बिनी प्रदेश प्रहरी प्रमुखको जिम्मेवारी सम्हाल्नु अघि डीआईजी राई नेपाल प्रहरीका प्रबक्ता थिए ।

प्रकाशित मिति: बिहीबार, माघ १२, २०७९ १५:१९

प्रतिक्रिया दिनुहोस्