नेपालगन्जको जमुनामा बालमैत्री परामर्श केन्द्र भवनको उद्घाटन

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनामा बालमैत्री परामर्श केन्द्र भवनको उद्घाटन

नेपालगन्जको जमुनामा बालमैत्री परामर्श केन्द्र भवनको उद्घाटन

शुक्रबार, माघ १३, २०७९ बागेश्वरी पोस्ट

नेपालगन्ज । नेपालगन्जको जमुनाहमा बालमैत्री परामर्श केन्द्रको भवनको उद्घाटन गरिएको छ ।

शक्ति समूह नेपालगन्जको समन्वय एबं सहकार्य तथा ओ.यु.आर.को आर्थिक सहयोगमा जमुनाहमा बनेको बालमैत्री परामर्श केन्द्रको भवनको बाँकेका प्रमुख जिल्ला अधिकारी विपिन आचार्यले आज उद्घाटन गरेका छन् ।

असुरक्षित रुपमा सीमापार भई बेचबिखनको जोखिममा पर्न सक्ने बालबालिकाहरुलाई परामर्श दिने उद्देश्यका साथ इलाका प्रहरी कार्यालय जमुनाहमा निर्माण गरिएको बालमैत्री परामर्श केन्द्रको भवन र कानूनी विवादमा परेका बालबालिकाहरुका लागि जिल्ला प्रहरी कार्यालय बाँके परिसरमा निर्मित बाल निगरानी कक्षलाई समेत हस्तान्तरण गरिएको छ ।

नवनिर्मित बालमैत्री परामर्श केन्द्र भवन उद्घाटन तथा बाल निगरानी कक्ष हस्तान्तरण कार्यक्रममा बाँके प्रहरी प्रमुख सन्तोषसिंह राठौर, जिल्ला सराकरी वकिल कार्यालय बाँकेका प्रमुख न्यायाधिवक्ता प्रकाश भण्डारी, ओ.यु.आर. का प्रतिनिधिहरु, जनप्रतिनिधिहरु, प्रहरी कर्मचारी, पत्रकार, सामाजिक संघ-संस्थाका प्रतिनिधिहरु र स्थानीयहरुको उपस्थिति रहेको थियो ।

प्रकाशित मिति: शुक्रबार, माघ १३, २०७९ १६:०९

प्रतिक्रिया दिनुहोस्