आस्था राउत प्रकरण:संबेदनशील स्थानमा सुरक्षा अवज्ञाको सौलियत हुदैन् :डिआइजी पोखरेल

समाचार

गृहपृष्ठ
समाचार
आस्था राउत प्रकरण:संबेदनशील स्थानमा सुरक्षा अवज्ञाको सौलियत हुदैन् :डिआइजी पोखरेल

आस्था राउत प्रकरण:संबेदनशील स्थानमा सुरक्षा अवज्ञाको सौलियत हुदैन् :डिआइजी पोखरेल

बिहीबार, माघ २, २०७६ बागेश्वरी पोस्ट

डिआइजी विश्वराज पोखरेल

काठमाडौं ।डिआइजी विश्वराज पोखरेलले गायिका आस्था राउत विवाद प्रकरणमा विमानस्थल जस्तो संवेदनशील स्थानमा पदीय हिसाबले कसैलाई पनि सुरक्षा अवज्ञाको सौलियत नहुने बताएका छन् ।

गायिका आस्था राउतले विमानस्थलमा प्रहरीले दुर्व्यहार गरेको दाबी गर्दै भिडियो जारी गरेपछि महानगरीय प्रहरी आयुक्तको कार्यालयका प्रमुख डीआईजी पोखरेलले पदीय वा सेलिब्रेटीको हिसाबले कसैलाई नछाडिने बताएका हुन् ।राउतले प्रहरी सुरक्षा जाँचका क्रममा आफूलाई दुर्व्यहवार भएको बताएकी थिइन् ।

लगत्तै प्रहरी प्रधान कार्यालयले छानविनका लागि महानगरीय प्रहरी आयुक्तको कार्यालयलाई निर्देशन दिएको थियो । ‘ड्यूटीमा बसेको प्रहरीको मनोबल गिराउने हर्कत कोहीबाट हुन्छ भने क्षमा योग्य हुँदैन र त्यही विषयसँग जोडेर सुरक्षा निकायप्रति अविश्वास सिर्जना गर्ने ढंगले गरेका गाली गलौजको पनि छुट हुँदैन’, उनले भने, ‘छानविनका क्रममा प्रहरी कर्मचारीको पनि गल्ती देखिए कडा कारबाही हुन्छ ।’

उनले घटना भएको वेलाको विमानस्थलको सीसी टीभी फुटेज मगाएर अनुसन्धान थालिसकिएको बताउँदै भने, ‘तत्कालीन समयका प्रत्यक्षदर्शी, सम्बन्धित प्रहरी कर्मचारी र सीसी टीभीमा देखिएको दृश्यको आधारमा छानविन जारी छ ।’छानविनबाट दोषी देखिनेले कानूनको सामना गर्नै पर्ने उनले बताए ।

प्रकाशित मिति: बिहीबार, माघ २, २०७६ २२:५८

प्रतिक्रिया दिनुहोस्