पोखरामा आत्मदाह गर्दै गरेकालाई बचाउने संगीताको मृत्यु

समाचार

गृहपृष्ठ
समाचार
पोखरामा आत्मदाह गर्दै गरेकालाई बचाउने संगीताको मृत्यु

पोखरामा आत्मदाह गर्दै गरेकालाई बचाउने संगीताको मृत्यु

सोमबार, माघ १६, २०७९ बागेश्वरी पोस्ट

नेपालगन्ज । पोखराको काहुँखोलामा हिजो आत्मदाह प्रयास घटनामा उद्दार गर्न गएर गम्भीर घाइते भएकी ४० वर्षीया संगीता सापकोटाको उपचारका क्रममा मृत्यु भएको छ ।

पोखरा महानगरपालिका वडा नं १३ को काहुँखोलामा आत्मदाहको प्रयास गरेकालाई बचाउन गएर गम्भीर घाइते सापकोटाको पश्चिमाञ्चल क्षेत्रीय अस्पतालमा उपचारको क्रममा आज मृत्यु भएको हो ।

सापकोटालाई भेन्टिलेटरमा राखेर उपचार गरिएकोमा आज बिहान ११ बजे मृत्यु भएको पोखरा स्वास्थ्य विज्ञान प्रतिष्ठानका निर्देशक डा. भरतबहादुर खत्रीले जानकारी दिए ।

सापकोटाकै घरमा स्टेशनरी व्यवसाय सञ्चालन गर्दै आएका ४३ वर्षीय कृष्णबहादुर क्षेत्रीले हिजो बाथरूममा आत्मदाहको प्रयास गरेका थिए । क्षेत्रीलाई बचाउने क्रममा सापकोटा गम्भीर घाइते भएकी थिइन् ।

आत्मदाहको प्रयास गरेका क्षेत्रीको अवस्था भने सामान्य रहेको र उपचार जारी रहेको डा. खत्रीले बताए । उनले आत्मदाहको प्रयास गर्नुको कारण भने हालसम्म नखुलेको र अनुसन्धान भइरहेको जिल्ला प्रहरी कार्यालय कास्कीले जानकारी दिएको छ ।

प्रकाशित मिति: सोमबार, माघ १६, २०७९ १३:४९

प्रतिक्रिया दिनुहोस्