गायिका आस्था राउतलाई अभद्र ब्यबहारको मुद्दा लगाइँदै

समाचार

गृहपृष्ठ
समाचार
गायिका आस्था राउतलाई अभद्र ब्यबहारको मुद्दा लगाइँदै

गायिका आस्था राउतलाई अभद्र ब्यबहारको मुद्दा लगाइँदै

शुक्रबार, माघ ३, २०७६ बागेश्वरी पोस्ट

काठमाडौं ।गायिका आस्था राउतलाई कारबाही गरिने भएको छ। विमानस्थलमा महिला प्रहरी कर्मचारीलाई बुधबार दुर्व्यवहार गरेको प्रारम्भिक प्रतिवेदनका आधारमा राउतमाथि कारबाही हुने भएको प्रहरीले जानकारी दिएको हो।

त्रिभुवन अन्तर्राष्ट्रिय विमानस्थलमा प्रहरी जवान रमिता श्रेष्ठमाथि दुर्व्यवहार गरेको प्रतिवेदनका आधारमा प्रहरीले राउतमाथि कारबाही गर्ने भएको हो।

त्रिभुवन अन्तर्राष्ट्रिय विमानस्थल सुरक्षा कार्यालयले राउत र प्रहरी जवान श्रेष्ठबीच भएको कुराकानीको भिडिओ तथा त्यसबेला रेकर्ड भएको सिसिटिभी फुटेजसमेतको प्रतिवेदन संकलन गरेर महानगरीय प्रहरी कार्यालय रानीपोखरी पठाएको छ।उक्त प्रतिवेदनमा जवान श्रेष्ठले आफूमाथि दुर्व्यवहार भएको उल्लेख गरेकी छिन्।

प्रतिवेदनको आधारमा गायिका राउतमाथि अभद्र व्यवहार गरेको कसूरमा कारबाही गरिने महानगरीय प्रहरी कार्यालय रानीपोखरीले जनाएको छ। ‘प्रतिवेदन प्राप्त भएको छ, सो प्रतिवेदन थप अध्ययनसमेत गरेर गायिका राउतलाई कानुनी दायरमा ल्याउँछौं,’ प्रहरी नायब महानिरीक्षक विश्वराज पोखरेलले भने।

प्रकाशित मिति: शुक्रबार, माघ ३, २०७६ १७:४६

प्रतिक्रिया दिनुहोस्