भारतबाट काम गरी फर्किंदै गरेका प्रकाश होटेलको शौचालयमा मृत भेटिए

समाचार

गृहपृष्ठ
समाचार
भारतबाट काम गरी फर्किंदै गरेका प्रकाश होटेलको शौचालयमा मृत भेटिए

भारतबाट काम गरी फर्किंदै गरेका प्रकाश होटेलको शौचालयमा मृत भेटिए

बिहीबार, माघ १९, २०७९ बागेश्वरी पोस्ट

नेपालगन्ज । भारतबाट काम गरी नेपाल फर्किएका एक जना युवक होटेलको शौचालयमा झुण्डिएको अवस्थामा मृत फेला परेका छन् ।

आज बिहान भारतको रत्नागिरिबाट फर्किएका कैलाली मोहन्याल गाउँपालिका १ का ३९ वर्षीय प्रकाश घर्ती मगर धनगढी बसपार्कस्थित चन्द्रदीप मिलन बोगटान होटलमा मृत भेटिएको जिल्ला प्रहरी कार्यालय कैलालीले जनाएको छ ।

आज बिहान ९ बजे होटलमा पुगेका घर्तीमगर शौचालय गएर धेरै बेर कुर्दा समेत बाहिर नआएपछि भारतबाट आउँदै बाटोमा भेट भएर सँगै आएका बर्दगोरिया गाउँपालिका बौनियाका छत्रबहादुर चन्दले प्रहरीलाई जानकारी गरेपछि प्रहरी आएर हेर्दा झुण्डिएको अवस्थामा घर्तीमगर मृत भेटिएको प्रहरीले बताएको छ ।

मृतक घर्ती मगर गत मंसिरमा भारत काम गर्न गएका थिए । घटनाबारे अनुसन्धान गरिरहेको जिल्ला प्रहरी कैलालीले जानकारी दिएको छ ।

प्रकाशित मिति: बिहीबार, माघ १९, २०७९ १७:२५

प्रतिक्रिया दिनुहोस्