बाँकेको सुरक्षा चुनौती र समाधान बारे छलफल तथा अन्तरक्रिया

सुरक्षा-अपराध

गृहपृष्ठ
सुरक्षा-अपराध
बाँकेको सुरक्षा चुनौती र समाधान बारे छलफल तथा अन्तरक्रिया

बाँकेको सुरक्षा चुनौती र समाधान बारे छलफल तथा अन्तरक्रिया

आइतबार, माघ २९, २०७९ बागेश्वरी पोस्ट

नेपालगन्ज । बाँकेमा समसामयिक सुरक्षा चुनौती र समाधानका उपाय सम्बन्धी विषयमा अन्तरक्रिया तथा छलफल कार्यक्रम गरिएको छ ।

शनिबार लुम्बिनी प्रदेश प्रहरी प्रमुख प्रहरी नायब महानिरीक्षक टेकप्रसाद राईको उपस्थितिमा बाँकेभरको समसामयिक सुरक्षा चुनौती र समाधान कसरी गर्न सकिन्छ भन्ने बारेमा छलफल कार्यक्रम गरिएको जिल्ला प्रहरी कार्यालय बाँकेले जनाएको छ ।

छलफल कार्यक्रममा बाँकेमा हुने सामान्य अपराध, गुण्डागर्दी, लुटपाट, अवैध उत्खनन, चोरीपैठारीलाई समेत रोक्न नियमित प्रहरीको गस्ती लगायत सबैले आ-आफ्नो तर्फबाट सहयोग गरे सबै समाधान हुने उपस्थित सबैले बताएका थिए ।

छलफल कार्यक्रममा बाँकेबाट निर्वाचित प्रतिनिधिसभा सदस्य, प्रदेश सभा सदस्य, पालिकाका जनप्रतिनिधिहरु, जिल्लाभरका सुरक्षा प्रमुख,धर्मगुरु लगायत पत्रकारहरुको उपस्थिति रहेको थियो । उक्त छलफल कार्यक्रम पश्चात लुम्बिनी प्रदेश प्रहरी प्रमुख राईले बाँकेभरका सबै युनिट इन्चार्जहरुलाई चनाखो भइ ईमानदारीपूर्वक कार्य गर्न निर्देशन समेत दिएका थिए । कार्यक्रममा नेपाल प्रहरी प्रदेश कार्यालय भैरहवा रुपन्देहीका प्रमुख प्रहरी बरिष्ठ उपरीक्षक रेवती ढकालको समेत उपस्थिति रहेको थियो ।

प्रकाशित मिति: आइतबार, माघ २९, २०७९ ११:३५