पोखरामा बस पल्टिँदा ४५ जना घाइते

समाचार

गृहपृष्ठ
समाचार
पोखरामा बस पल्टिँदा ४५ जना घाइते

पोखरामा बस पल्टिँदा ४५ जना घाइते

आइतबार, फागुन ७, २०७९ बागेश्वरी पोस्ट

नेपालगन्ज । पोखरामा बस दुर्घटना हुँदा ४५ जना घाइते भएका छन् । पोखरा महानगरपालिका वडा नम्बर २६ लेखनाथ डाँडाको नाक प्रहरी चौकी अगाडि केहीबेर अघि बस दुर्घटना भएको हो ।

दुर्घटनामा चालकसहित ४५ जना घाइते भएका छन् । पोखरा विश्वविद्यालयबाट पोखरातर्फ आउँदै गरेको ग१ख ६७४७ नम्बरको बस दुर्घटनामा परेको जिल्ला प्रहरी कार्यालय कास्कीले जनाएको छ ।

घाइतेहरूको पोखराको पश्चिमाञ्चल क्षेत्रीय अस्पताल र गण्डकी मेडिकल कलेजमा उपचार भइरहेको कास्कीका प्रहरी प्रमुख अजय केसीले बताए । ‘ब्रेक फेल’ भएपछि बस सडकबाट खोल्सामा खसेको चालकले बताएको प्रहरी प्रमुख केसीको भनाई छ ।

घाइतेमध्ये केहीको अवस्था गम्भीर रहेको प्रहरीले जनाएको छ । अहिले सबैको उपचार भइरहेको प्रहरीले जनाएको छ ।

प्रकाशित मिति: आइतबार, फागुन ७, २०७९ १६:४८

प्रतिक्रिया दिनुहोस्