तालिम प्राप्त कुकुरलाई लिएर बसमा चेक गर्दा डीएसपी फेला पारे ठुलो परिमाणमा ब्राउन सुगर

सुरक्षा-अपराध

गृहपृष्ठ
सुरक्षा-अपराध
तालिम प्राप्त कुकुरलाई लिएर बसमा चेक गर्दा डीएसपी फेला पारे ठुलो परिमाणमा ब्राउन सुगर

तालिम प्राप्त कुकुरलाई लिएर बसमा चेक गर्दा डीएसपी फेला पारे ठुलो परिमाणमा ब्राउन सुगर

मंगलबार, फागुन ९, २०७९ बागेश्वरी पोस्ट

नेपालगन्ज । तालिम प्राप्त प्रहरी कुकुर लिएर आँफै सवारी चेकजाँचमा खटिएका इलाका प्रहरी तुलसीपुरका प्रमुखले सार्वजनिक सवारी साधनबाट ब्राउन सुगर बरामद गरेका छन् ।

गएराति पौने दश बजेतिर सार्वजनिकि सवारी चेकजाँचका क्रममा तुलसीपुर बेलुका एक युवक ब्राउन सुगरसहित पक्राउ परेका हुन । झन्डै पाँच ग्राम प्रतिबन्धित लागु औषध ब्राउन सुगरसहित तुलसीपुर उपमहानगरपालिका वडा नं. ९ बेलुवाको दाजुभाइ चोकका २३ बर्षीय रुपकराज सुनारलाई पक्राउ गरिएको इलाका प्रहरी कार्यालय तुलसीपुरका प्रमुख डिएसपी पुष्पराज मल्लले जानकारी दिए ।

तुलसीपुर उपमहानगरपालिका वडा नं. १३ स्थित दमारगाउँमा सवारी चेकजाँचका क्रममा नेपालगंजबाट तुलसीपुर तर्फ आउँदै गरेको रा १ ख २८७२ नम्बरको माइक्रोको सिटको पछाडि तर्फ लुकाई राखेको ब्राउन सुगर सुनार पक्राउ परेका हुन ।

गएराति पौंने दश बजे तिर सुनार पक्राउ परेका हुन । डिएसपी मल्ल तालिम प्राप्त प्रहरी कुकुरलाई लिएर आँफै चेकजाँचमा खटिएका थिए ।

‘एलेक्स’ नामक तालिम प्राप्त कुकुरसहित आँफै सवारी चेकजाँचमा खटिएका डिएसपी मल्लले कुकुरको सहयोगमा माइक्रोबसको सिटबाट ६ पोका ब्राउन सुृगर बरामद भएको जानकारी दिए।

सुनारले प्रहरी समक्ष उक्त ब्राउन सुगर नेपालगंजबाट भारतीय नागरिक संग किनेर ल्याएको बयान दिएको डिएसपी मल्लले बताए। पक्राउ परेका ब्यक्तिबारे थप अनुसन्धान हुन बाँकी रहेको प्रहरीले जनाएको छ ।

प्रकाशित मिति: मंगलबार, फागुन ९, २०७९ १५:४५

प्रतिक्रिया दिनुहोस्