भेरी अस्पतालमा कमिशन लिने ४ जना कर्मचारीलाई जेल सजाय

सुरक्षा-अपराध

गृहपृष्ठ
सुरक्षा-अपराध
भेरी अस्पतालमा कमिशन लिने ४ जना कर्मचारीलाई जेल सजाय

भेरी अस्पतालमा कमिशन लिने ४ जना कर्मचारीलाई जेल सजाय

बुधबार, फागुन १०, २०७९ बागेश्वरी पोस्ट

नेपालगन्ज । नेपालगन्जको भेरी अस्पतालमा औषधि खरिद बिक्रीमा कमिशन बापत घुस लिने ४ जना कर्मचारीसहित घुस दिने ११ जनालाई कैद र बिगो सजाय भएको छ। उनीहरुलाई बिशेष अदालतले कैद र बिगो जरिवानाको फैसला सुनाएको हो ।

भेरी अस्पताल नेपालगन्जमा कार्यरत घुस लिने ४ जना कर्मचारीसहित घुस दिने निजी फर्महरुका ११ जना व्यापारी गरी १५ जनालाई अख्तियार दुरुपयोग अनुसन्धान आयोगले २०७७ साल असोज २२ गते बिहीबार विशेष अदालत काठमाडौँमा मुद्दा दायर गरेको थियो ।

विशेष अदालतले अस्पतालमा भएको भ्रष्टाचार काण्डमा करिब २ वर्षपछि गरेको फैसलामा अख्तियारको माग दाबी रहेको कुल १७ लाख ८० हजार ४ सय ७५ रुपैयाँलाई अस्पतालका मुख्य ४ जना अभिुक्त रहेका पूर्व कर्मचारीहरु भेरी अस्पताल, नेपालगञ्जका लेखा अधिकृत माधव प्रसाद आचार्य, कम्प्युटर अप्रेटर अरूणराज खनाल, लेखापाल ईन्द्र बहादुर खत्री र सह–लेखापाल प्रेम बहादुर खत्रीलाई बिगो माग दाबी रकम ४ भाग लगाई ७/७ महिना कैद सजायको फैसला सुनाएको छ ।

बिशेष अदालतले बरामदी मुचुल्का, अनुसन्धानका क्रममा भएको साबिती बयान, अरुण खनालले गुगल ड्राइभमा सुरक्षित राखेको कमिसनको विवरण, अदालतलमा गरेको बकपत्र लगायतलाई प्रमाण मान्दै यस्तो फैसला गरेको जनाएको छ ।

विशेष अदालतका अनुसार अस्पतालका ति ४ जना कर्मचारीलाई जनही ४ लाख ४५ हजार १ सय १८ रुपैयाँ बिगो र ७/७ महिना कैद हुने फैसला गरेको हो ।

प्रकाशित मिति: बुधबार, फागुन १०, २०७९ १७:३६

प्रतिक्रिया दिनुहोस्