नरैनापुरमा वडाबाटै राष्ट्रिय परिचयपत्रको विवरण संकलन सुरु

स्थानीय

गृहपृष्ठ
स्थानीय
नरैनापुरमा वडाबाटै राष्ट्रिय परिचयपत्रको विवरण संकलन सुरु

नरैनापुरमा वडाबाटै राष्ट्रिय परिचयपत्रको विवरण संकलन सुरु

मंगलबार, फागुन ३०, २०७९ बागेश्वरी पोस्ट

नेपालगञ्ज । बाँकेको नरैनापुर गाउँपालिकामा राष्ट्रिय परिचय पत्रको विवरण संकलन गर्ने अभियान सुरु भएपछि स्थानीय नागरिकहरुलाई सदरमुकाम धाउनुपर्ने बाध्यताको अन्त्य भएको छ ।

अभियान अन्तर्गत पहिलो चरणमा नरैनापुर गाउँपालिकाको वडा नं १, २, ३ र ५ मा वडा स्तरीय घुम्ती शिविर आयोजना गरी विवरण लिने काम सुरु गरिएको प्रमुख प्रशासकीय अधिकृत मणिराम खरालले बताए । राष्ट्रिय परिचयपत्र विवरण संकलनका लागि आवश्यक उपकरण र जनशक्ति व्यवस्थापन गरी पहिलो चरणमा चार वटा वडाबाट अभियान सुरु गरिएको बताउँदै खरालले प्रत्येक वडामा दुई वटा स्टेशन रहने गरी ८ वटा स्टेशनमार्फत विवरण संकलन गर्ने कार्य जारी रहेको जानकारी दिए ।

गाउँपालिकाभित्र सुरु भएको राष्ट्रिय परिचयपत्र विवरण संकलन केन्द्रहरुको अनुगमन गर्दै नरैनापुरका अध्यक्ष इश्तिायक अहमद शाहले अबको युग प्रविधिमैत्री भएकाले सबैले परिचयपत्र प्राप्त गर्नुपर्ने बताए । अध्यक्ष शाहले परिचयपत्र वितरण तथा तथ्याङ्क संकलनको कामलाई थप प्रभावकारी बनाउन प्रमुख जिल्ला अधिकारीको ध्यानाकर्षण गराएका थिए ।

प्रकाशित मिति: मंगलबार, फागुन ३०, २०७९ २१:३८