लुम्बिनी प्रदेशमा अपराधका घटना वर्षेनी वृद्धि हुँदै

सुरक्षा-अपराध

गृहपृष्ठ
सुरक्षा-अपराध
लुम्बिनी प्रदेशमा अपराधका घटना वर्षेनी वृद्धि हुँदै

लुम्बिनी प्रदेशमा अपराधका घटना वर्षेनी वृद्धि हुँदै

बुधबार, चैत १, २०७९ बागेश्वरी पोस्ट

यमकला भुसाल /नेपालगन्ज । लुम्बिनी प्रदेशमा विभिन्न जनचेतनामुलक कार्यक्रमहरुमा प्रहरीको सक्रियता बढेपनि अपराधका घटनामा कमी नभई झनै अपराधका घटना वर्षेनी बृद्धि भएको देखिएको छ ।

लुम्बिनी प्रदेश प्रहरी कार्यालय दाङमा चालू आर्थिक वर्ष २०७९/८० को ८ महिनाको अवधिमा प्रदेश कार्यालयमा ४२३६ वटा अपराधका मुद्धा दर्ता भएका छन् ।

ती मध्ये १७९२ मुद्धा फछयौट भैसकेका छन भने फछयौट हुन २४४४ बाँकी छन । अपराध घटनालाई प्रकृतिका आधारमा हेर्दा सामाजिक अपराधका घटना बढी देखिएका छन् । आर्थिक वर्षको फागुन मसान्तसम्ममा लुम्बिनीमा २ सय ३२ वटा सामाजिक अपराधका घटना भएका छन् ।

त्यस्तै आत्महत्याका १ सय ७८, ज्यान सम्बन्धी १ सय ७०, महिला तथा बालबालिका सम्बन्धी ८७, संगठित तथा आर्थिक अपराध ११२,सवारी सम्बन्धी ६५,चोरी,७३,विविध अन्य १४५ वटा घटना भएका छन् ।

प्रदेश प्रहरी कार्यालयको तथ्याङ्कमा अनुसार अपराधका घटना सबैभन्दा बढी रुपन्देहीमा भएका छन् भने त्यसपछि दोस्रोमा बाँके र तेस्रोमा दाङ जिल्लामा भएका छन् । प्रहरी कार्यालयमा औषत दैनिक २० वटा अपराधका घटनाहरु दर्ता हुने गरेको तथ्याङ्क छ ।

कार्यालयमा आर्थिक वर्ष २०७७/०७८ मा ५८३५ वटा अपराधका मुद्धा दर्ता भएका थिए । ती मध्ये ४६६५ मुद्धा फछयौट भैसकेका छन भने ११७० बाँकी छन् ।

त्यस्तै आर्थिक वर्ष २०७८/०७९ मा ६३६२ मुद्धा दर्ता भएकोमा ४११७ फछयौट भएका छन भने २२४५ बाँकी रहेका छन् । अशिक्षा, अभाव, गरीबी, पछौटेपनकै कारण आपराधिक घटनामा वृद्धि हुदै गएको लुम्बिनी प्रदेश प्रहरी कार्यालयले जनाएको छ ।

जघन्य अपराधका घटनामा बृद्धि

लुम्बिनी प्रदेशमा जघन्य अपराधका घटनामा पनि बृद्धि भएको छ । चालू आर्थिक वर्षको वितेको ८ महिनामा प्रदेशभर १ सय ६० वटा जघन्य अपराधका मुद्धा दर्ता भएका छन् । ती मध्ये सबैभन्दा बढी लागु औषधका ८१ वटा घटना दर्ता भएका छन् ।

त्यस्तै जबरजस्ती करणीका ४५,कर्तव्य ज्यान १४, मानव बेचविखन तगा ओसार पसार ७, हातहतियार खरखजना ५, अपहरण तथा शरिर बन्धक ४ र विष्फोटक पदार्थ ४ गरि १६० वटा जघन्य अपराधका घटना भएका हुन् ।

प्रदेश प्रहरी कार्यालयका अनुसार आर्थिक वर्ष २०७७/०७८ मा १ सय ७२ वटा जघन्य अपराध सम्बन्धी मुद्धा दर्ता भएका थिए भने आर्थिक वर्ष २०७८/०७९ मा १ सय ५७ वटा मुद्धा दर्ता भएका थिए । अघिल्लो वर्षको तुलनामा चालु आर्थिक वर्षको १० महिनामै बढेर १ सय ६० वटा मुद्धा दर्ता भएका छन् ।

प्रकाशित मिति: बुधबार, चैत १, २०७९ १३:३३

प्रतिक्रिया दिनुहोस्