गाउँपालिकाका प्रमुख प्रशासकीय अधिकृत,वडा अध्यक्ष र बिचौलिया घुससहित पक्राउ

सुरक्षा-अपराध

गृहपृष्ठ
सुरक्षा-अपराध
गाउँपालिकाका प्रमुख प्रशासकीय अधिकृत,वडा अध्यक्ष र बिचौलिया घुससहित पक्राउ

गाउँपालिकाका प्रमुख प्रशासकीय अधिकृत,वडा अध्यक्ष र बिचौलिया घुससहित पक्राउ

बिहीबार, चैत १६, २०७९ बागेश्वरी पोस्ट

नेपालगन्ज । अख्तियार दुरूपयोग अनुसनधान आयोगले गाउँपालिकाका प्रमुख प्रशासकीय अधिकृत, वडाध्यक्ष र बिचौलियालाई घुससहित पक्राउ गरेको छ ।

अख्तियार दुरूपयोग अनुसनधान आयोगले आज रुपन्देहीको शुद्धोधन गाउँपालिकाका प्रमुख प्रशासकीय अधिकृत अनन्तपाणि मरासिनी, वडा नं. ७ का वडाध्यक्ष भीमबहादुर यादव र बिचौलिया विनोद भरलाई ५० हजार रुपैयाँ घुस लिइसकेको अवस्थामा पक्राउ गरेको छ ।

गाउँपालिका क्षेत्रभित्र पर्ने नदीजन्य पदार्थ बिक्री आदेशको म्याद थप तथा बिक्री आदेश दिने प्रयोजनको लागि मरासिनी र यादवले सेवाग्राहीसँग ५० हजार घुस माग गरेका थिए ।

सूचना अख्तियारले पाएपछि बुटवलबाट खटिएको टोलीले तीन जनालाई घुस लिइसकेको अवस्थामा गाउँ कार्यपालिकाको कार्यालयबाट पक्राउ गरेको हो ।

पक्राउ परेका उनीहरूमाथि थप अनुसन्धान भइरहेको प्रवक्ता भोला दाहालले जानकारी दिएका छन् ।

प्रकाशित मिति: बिहीबार, चैत १६, २०७९ १३:५१

प्रतिक्रिया दिनुहोस्