रुकुम पूर्वको जंगलबाट ५ थान बन्दुक बरामद

सुरक्षा-अपराध

आइतबार, चैत १९, २०७९ बागेश्वरी पोस्ट

नेपालगन्ज । रुकुम पूर्वको एक जंगलबाट प्रहरीले ५ थान भरुवा बन्दुक बरामद गरेको छ ।

जिल्लाको सिस्ने गाउँपालिका–४ काँडास्थित जंगलबाट प्रहरीले आज बिहान वेवारिसे अवस्थामा रहेका ५ थान बन्दुक बरामद गरेको जनाएको छ ।

गाउँपालिकास्थित अस्थायी प्रहरी पोष्ट धाउन्नेबाट खटिएको प्रहरीले उक्त बन्दुकहरु फेला पारेको जिल्ला प्रहरी कार्यालय रुकुम पूर्वले जानकारी दिएको छ ।

बरामद गरिएका उक्त भरुवा बन्दुकहरु शिकारीको हुन सक्ने प्रहरीले अनुमान गरेको छ । यस बारेमा थप अनुसन्धान भइरहेको प्रहरीले जनाएको छ ।

प्रकाशित मिति: आइतबार, चैत १९, २०७९ १३:५५

प्रतिक्रिया दिनुहोस्