लगाएको सुन लुट्न आफ्नै साथीबाट दुई दिदी बहिनीको हत्या भएको खुलासा

सुरक्षा-अपराध

गृहपृष्ठ
सुरक्षा-अपराध
लगाएको सुन लुट्न आफ्नै साथीबाट दुई दिदी बहिनीको हत्या भएको खुलासा

लगाएको सुन लुट्न आफ्नै साथीबाट दुई दिदी बहिनीको हत्या भएको खुलासा

आइतबार, चैत २६, २०७९ बागेश्वरी पोस्ट

नेपालगन्ज । लगाएको सुन खोस्नका लागि रुकुम पूर्वमा दुई नाबालिक दिदिबहिनीको हत्या भएको खुल्न आएको छ । प्रहरीले आज हत्यामा संलग्न दुई किशोरीहरुलाई पत्रकार सम्मेलनमार्फत सार्वजनिक गर्ने तयारी गरेको छ ।

रुकुम पूर्वको पुथा उत्तरगंगा गाउँपालिका वडा नं. ३ रन्मामा गत बिहीबार बिहान ७ वर्षीया कालीमाया बुढा र उनकी ८ वर्षीया दिदी रिना बुढा मृत अवस्थामा फेला परेका थिए । उनीहरु घर भन्दा करिब २ किलोमिटर जति टाढाको झुपा खोला भीरमा मृत अवस्थामा फेला परेको प्रहरीले जनाएको छ ।

दुई दिदीबहिनी बुधबार बिहान सिस्नो टिप्न भनेर घरबाट गएका थिए । बेलुका अबेरसम्म पनि उनीहरु घर नर्फिएपछि खोजी सुरु भएको थियो । बिहीबार बिहान मात्रै उनीहरुको शब फेला परेको थियो ।

घटना अनुसन्धान गर्दै जाँदा तीन दुईले लगाएको सुन खोस्न उनीहरुको घाँटी न्याकेर हत्या भएको तथ्य पत्ता लागेको जिल्ला प्रहरी प्रमुख डीएसपी अञ्जना श्रेष्ठले जानकारी दिएकी छन् ।

गाउँकै चिनजानकै १४ - १५ बर्षका दुई किशोरी साथी मिलेर दुई दिदिबहिनीलाई जंगलमा एक्लै भेटेपछि लगाएको सुन खोस्ने लोभले उनीहरुले नै घाँटी थिचेर हत्या गरी भीरबाट खसालीदिएको तथ्य खुलेको डिएसपी श्रेष्ठले बताइन् ।

हत्या गर्ने किशोरीहरु स्थानीय नै रहेको तथा उनीहरुले कक्षा ६- ७ साथमा पढ्ने गरेको प्रहरीले जानकारी दिएको छ ।

दुई बहिनीले झन्डै एक तोला सुन लगाएको र त्यही खोस्न उनीहरुको हत्या भएको देखिएको प्रहरीले जानकारी दिएको छ ।

प्रकाशित मिति: आइतबार, चैत २६, २०७९ १३:४३

प्रतिक्रिया दिनुहोस्