नेपालगञ्जमा मिलन चक्रेसँग बन्दुकसहित हिंडेका बोगटी पक्राउ

सुरक्षा-अपराध

मंगलबार, चैत २८, २०७९ बागेश्वरी पोस्ट

नेपालगञ्ज । बाँकेमा जारी राष्ट्रिय युवासंघको नवौं राष्ट्रिय महाधिवेशनस्थलमा बन्दुकसहित देखिएका गणेशबहादुर बोगटीलाई प्रहरीले पक्राउ गरेको छ ।

सार्वजनिक भएको भिडिओमा बन्दुक बोकेर नेकपा एमाले निकट डन मिलन चक्रेको सुरक्षा दिएको जस्तो देखिन्छ । उक्त भिडिओ आइतबारको हो ।

महाधिवेशनस्थलमा बोगटी बन्दुकसहितसहित देखिएको सार्वजनिक भएपछि उनलाई गएराती पक्राउ गरिएको प्रहरीले जनाएको छ ।

प्रहरीले उनीबाट हतियार पनि बरामद गरेको छ। हतियार अनुमति प्राप्त भएपनि खुलेआम लिएर हिँड्न नपाइने भएकाले उनलाई पक्राउ गरिएको प्रहरीले जनाएको छ ।

बाँके प्रहरीले पक्राउ परेका बोगटीलाई कुन मुद्दा चलाउने बारेमा प्रमुख जिल्ला अधिकारीसँग समन्वय गरिरहेको जनाएको छ ।

प्रकाशित मिति: मंगलबार, चैत २८, २०७९ १२:०३

प्रतिक्रिया दिनुहोस्