सांंसद दिपक मनाङे पक्राउ

समाचार

गृहपृष्ठ
समाचार
सांंसद दिपक मनाङे पक्राउ

सांंसद दिपक मनाङे पक्राउ

बिहीबार, माघ ९, २०७६ बागेश्वरी पोस्ट

फाइल फोटो

पोखरा ।सांंसद राजीव गुरुङ उर्फ दिपक मनाङेलाई प्रहरीले पक्राउ गरेको छ। मनाङे गण्डकी प्रदेशका प्रदेशसभा सांसद हुन् ।

उनलाई जिल्ला प्रहरी कार्यालय कास्कीको टोलीले पोखराको लेकसाइडको होटलबाट पक्राउ गरिएको प्रहरीले जनाएको छ। अखिल नेपाल फुटबल संघ (एन्फा) कास्की अध्यक्ष मिलन गुरुङलाई कुटपिट गरेको आरोपमा जिल्ला प्रशासन कार्यालय कास्कीले सांसद राजीव गुरुङ ‘दिपक मनाङे’ विरुद्ध पक्राउ पुर्जी जारी गरेको थियो।

बुधबार गुरुङले गण्डकी प्रदेश सभाका सांसद मनाङेविरुद्ध जिल्ला प्रहरी कार्यालयमा सार्वजनिक अपराध अन्तर्गत जाहेरी दिएका थिए। यसअघि मंगलबार मनाङेले पोखरामा मुख्यमन्त्री कप फुटबल प्रतियोगिताको उद्घाटनअघि एन्फा कास्की अध्यक्ष गुरुङलाई झापड हानेका थिए। मनाङबाट आएका खेलाडीको व्यवस्थापनका लागि आफूले मागेको खर्च नदिएको भन्दै झापड हानेका थिए।

प्रकाशित मिति: बिहीबार, माघ ९, २०७६ १६:४२

प्रतिक्रिया दिनुहोस्