अन्नपूर्ण हिमालमा एक भारतीय आरोहीको मृत्यु, एकको उद्दार, अझै एक बेपत्ता

समाचार

गृहपृष्ठ
समाचार
अन्नपूर्ण हिमालमा एक भारतीय आरोहीको मृत्यु, एकको उद्दार, अझै एक बेपत्ता

अन्नपूर्ण हिमालमा एक भारतीय आरोहीको मृत्यु, एकको उद्दार, अझै एक बेपत्ता

मंगलबार, वैशाख ५, २०८० बागेश्वरी पोस्ट

नेपालगन्ज । अन्नपूर्ण हिमाल आरोहणका क्रममा एक जना भारतीय आरोहीको मृत्यु भएको छ । आरोहणका क्रममा बेपत्ता अर्की एक जना महिलाको जीवितै उद्धार गरिएको छ भने अझै एक जना बेपत्ता छन् ।

अन्नपूर्ण आरोहणमा गएकी भारतीय आरोही बलजित कौरको ७ हजार ५ सय मिटर उचाईबाट कैलाश एयरको हेलिकप्टरमार्फत आज दिउँसो उद्धार गरिएको उद्धारमा खटिएका म्याग्दी दानाका इन्द्रसिंह शेरचनले जानकारी दिए ।

उनका अनुसार ‘सेभेन समिट ट्रेक्स ’बाट आरोहणमा गएका आरोही नोयल हन्नाको मृत्यु भएको छ । उनको शव छ हजार मिटरको उचाइबाट आज दिउँसो आधार शिविरमा ल्याइएको छ । उनीहरु दुवै जना आज बिहानदेखि बेपत्ता भएका थिए ।

सेभेन समिट ट्रेक्सबाट आरोहणमा गएका भारत राजस्थान किसनगढका ३४ वर्षीय अनुराग मालु वेपत्ता भएका छन् । सेभेन समिट ट्रेक्सका प्रबन्धक थानेश्वर गुरागाईंका अनुसार सफलतापूर्वक आरोहण गरी आधार शिविर फर्कने क्रममा सोमबार दिउँसोदेखि सात हजार पाँच सय मिटरको उचाईबाट उनी वेपत्ता भएका थिए ।

उद्धार गरिएका आरोही र मृतकको शवलाई आधार शिविरबाट काठमाडौं लैजाने तयारी गरिएको छ । बेपत्ता मालुको खोजीमा निजी कम्पनीका चार वटा हेलिकोप्टर परिचालन गरिएको छ । आठ हजार ९१ मिटर अग्लो अन्नपूर्ण हिमाल म्याग्दीको अन्नपूर्ण गाउँपालिका–४ मा पर्छ ।

प्रकाशित मिति: मंगलबार, वैशाख ५, २०८० १४:३७