घोराहीमा हत्या गरिएकी शारदाका श्रीमान पक्राउ पछि सार्वजनिक

सुरक्षा-अपराध

गृहपृष्ठ
सुरक्षा-अपराध
घोराहीमा हत्या गरिएकी शारदाका श्रीमान पक्राउ पछि सार्वजनिक

घोराहीमा हत्या गरिएकी शारदाका श्रीमान पक्राउ पछि सार्वजनिक

आइतबार, वैशाख १०, २०८० बागेश्वरी पोस्ट

नेपालगन्ज । जिल्ला प्रहरी कार्यालय दाङद्वारा श्रीमती हत्या अरोपम पक्राउ परेका श्रीमानलाई आज सार्वजनिक गरेको छ ।

घोराही उपमहानगरपालिका वडा नं १२ रतनपुरकी ४० बर्षीया श्रीमरी शारदा केसीको हत्या अभियुक्त ४१ बर्षीय श्रीमान ४१ मेघराज केसीलाई जिल्ला प्रहरी कार्यालय दाङले पक्राउ पछि आज सार्वजनिक गरेको हो ।

श्रीमती शारदाको बैशाख १ गते राति हत्या पछि मेघराजले आफ्नो घर नजिकै अगाडि बगैंचामा शव गाडेको अवस्थामा बैशाख ६ गते दिउँसो फेला परेको थियो ।

आपसी भनाभनका क्रममा दाउराले टाउकोमा प्रहार गर्दा शारदा ढलेको र त्यसपछि सलले घाँटी कसेर हत्या गरेको बयान मेघराजले प्रहरी समक्ष गरेको जिल्ला प्रहरी प्रबक्ता डीएसपी राजन गौतमले जानकारी दिएका छन् ।

प्रहरीले हत्या भएको एक हप्ता पछि बैशाख ८ गते राति साढे ९ बजेतिर घोराही – ३ भानपुर नजिकै हिडिरहेको अवस्थामा पक्राउ गरिएको जानकारी दिएको छ ।

पक्राउ परेका मेघराजलाई जिल्ला अदालतबाट पाँच दिनको म्याद थपेर थप अनुसन्धान गरिरहेको डीएसपी गौतमले जानकारी दिएका छन् ।

प्रकाशित मिति: आइतबार, वैशाख १०, २०८० २३:००

प्रतिक्रिया दिनुहोस्