वडा अध्यक्षसहित १६ जना जुवाडेहरु पक्राउ

अर्थ

गृहपृष्ठ
अर्थ
वडा अध्यक्षसहित १६ जना जुवाडेहरु पक्राउ

वडा अध्यक्षसहित १६ जना जुवाडेहरु पक्राउ

सोमबार, माघ १३, २०७६ बागेश्वरी पोस्ट

धनगढी ।कैलालीको धनगढी उपमहानगरपालिका–३ मिलनचौकस्थित तिलक अधिकारीको घरमा जुवा खेलिरहेको अवस्थामा १६ जना जुवाडे २२ लाख ८२ हजार रुपैया सहित पक्राउ परेका छन् ।

जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतको नेतृत्वको टोलीले राति १० बजे अधिकारीको घरमा छापा मार्दा १६ जना जुवाडे र उनीहरुबाट २२ लाख ८२ हजार रुपैया बरामद गरेको हो ।

लामो समयदेखि अधिकारीको घरमा जुवा खेलाईरहेको सूचना पाएको प्रहरीले राति अचानक छापा मार्दा जुवाडेहरुले भाग्ने मौका पनि पाएनन। पक्राउ पर्नेमा गोदावरी नगरपालिका–१० का २८ वर्षीय रबिन्द्र शाही गुड्डु सहित १६ जना रहेका छन् । शाही गोदावरी नगरपालिका वडा अध्यक्ष हुन् ।

त्यस्तै पक्राउ पर्नेमा गोदावरी नगरपालिका– १० का २८ वर्षीय सन्देश तामाङ्, वडा नम्बर ३ का ३८ वर्षीय मोहन खड्का, कञ्चनपुर भीमदत्त नगरपालिका–३ का ३४ वर्षीय धिरेन्द्र चन्द, वेलौरी नगरपालिका– १ का ३४ वर्षीय भुवन कुवरजिल्ला कैलालीको धनगढी उप महानगर पालिका–३ मिलचौकका ३८ वर्षीय को तिलक अधिकारी, ३७ वर्षीय चन्द्र मणि अधिकारी वडा नम्बर १३ का ३४ वर्षीय रमेश खड्का, वडा नम्बर ४ का ३५ वर्षीय खेम राज भट्ट, वडा नम्बर २ का ४१ वर्षीय जनक दौल्याल, बैतडी दशरथ चन्द नगरपालिका– ८ का ३१ वर्षीय अमित गुरु, दशरथ चन्द नपा वडा नम्बर ४ का ३० वर्षीय को सुर्य भट्ट, पुर्चौडी नगरपालिका– ८ का ५० वर्षीय कालु सिंह धामी, बझाङ जयपृथ्बी नगरपालिका–१० का ३५ वर्षीय प्रेम बहादुर सिंह, दार्चुला नौगाड गाउँपालिका– ४ का ३३ वर्षीय जय सिंह धामी, महाकाली नगरपालिका– ४ का ३८ वर्षीय मंगल ठगुन्ना रहेका छन् ।

पक्राउ परेका उनीहरुलाई जिल्ला प्रहरी कार्यालय कैलालीको हिरासतमा राखेर थप अनुसन्धान भईरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक बस्नेतले बताए ।पश्चिमटुडेबाट साभार।

प्रकाशित मिति: सोमबार, माघ १३, २०७६ १३:०९