त्रिभुवन विमानस्थलमा 'लो भिजिबिलिटी' ले आन्तरिक तथा अन्तर्राष्ट्रिय उडान प्रभावित

समाचार

गृहपृष्ठ
समाचार
त्रिभुवन विमानस्थलमा 'लो भिजिबिलिटी' ले आन्तरिक तथा अन्तर्राष्ट्रिय उडान प्रभावित

त्रिभुवन विमानस्थलमा 'लो भिजिबिलिटी' ले आन्तरिक तथा अन्तर्राष्ट्रिय उडान प्रभावित

बिहीबार, वैशाख २१, २०८० बागेश्वरी पोस्ट

नेपालगन्ज । त्रिभुवन अन्तर्राष्ट्रिय विमानस्थलको हवाई उडान प्रभावित बनेको छ । त्रिभुवन विमानस्थलको ‘भिजिबिलिटी’ कमजोर हुँदा विमानस्थलका आन्तरिक तथा अन्तर्राष्ट्रिय उडान सामान्यरुपमा प्रभावित भएको त्रिभुवन अन्तर्राष्ट्रिय विमानस्थलले जानकारी दिएको छ ।

त्रिभुवन अन्तर्राष्ट्रिय विमानस्थलका अनुसार प्रतिकूल मौसमले भिजिबिलिटी कमजोर हुँदा अहिले ‘इन्ट्रयुमेन्ट फ्लाई रुल्स’ (आइएफआर) उडान मात्रै भइरहेको छ ।

अन्तर्राष्ट्रिय र आन्तरिकतर्फका विभिन्न गन्तव्यका उडान समयमै हुन सकेका छैनन् भने अन्तर्राष्ट्रियतर्फका केही जहाज आकाशमा फन्को (होल्ड) लगाइरहेका छन् । मौसम खराबीले आन्तरिक उडान हुने हिमाली जिल्ला खासगरी लुक्ला, सिमिकोट लगायत विमानस्थलको उडान बन्द गरिएको छ ।

अन्य दुर्गम क्षेत्रका विमानस्थलमा पनि उडान सामान्य प्रभावित भएको छ । काठमाडौँ विमानस्थलमा आइएफआर उडान भइरहेको छ, अन्तर्राष्ट्रियका केही जहाज होल्डमा हुने सम्भावना छ, आन्तरिकतर्फ उडान डिले भइरहेको विमानस्थलले जनाएको छ ।

प्रकाशित मिति: बिहीबार, वैशाख २१, २०८० १३:५५

प्रतिक्रिया दिनुहोस्