नेपालगन्जको किङ्ग्स क्लबबाट पेस्तोलसहित तीन जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको किङ्ग्स क्लबबाट पेस्तोलसहित तीन जना पक्राउ

नेपालगन्जको किङ्ग्स क्लबबाट पेस्तोलसहित तीन जना पक्राउ

बुधबार, वैशाख २७, २०८० बागेश्वरी पोस्ट

नेपालगन्ज । नेपालगन्जको किङग्स क्लबबाट हतियारसहित बाँके प्रहरीले तीन जनालाई पक्राउ गरेको छ ।

जिल्ला प्रहरी बाँकेको टोलीले गएराती साढे ११ बजे नेपालगन्जको वडा नं. १२ स्थित सुर्खेत रोडमा रहेको किङग्स क्लबमा पेस्तोलसहित आएर झगडा गर्दै गरेको अवस्थामा तीन जनालाई पेस्तोलसहित पक्राउ गरेको हो ।

क्लबमा झगडा हुँदै गरेको सूचना प्रहरीलाई आए लगत्तै गएको बाँके प्रहरीको टोलीले बर्दियाको बाँसगढी नगरपालिका ८ का २८ वर्षीय सुमन रिजाल, गेरुवा गाउँपालिका ५ का ३२ वर्षीय सागर शाह र कोहलपुर ९ का २९ वर्षीय धर्म पुन मगरलाई पक्राउ गरेको जिल्ला प्रहरी बाँकेले जनाएको छ ।

झगडा गरिरहेको अवस्थामा पक्राउ परेकाहरुसँग सोधपुछ गर्दा उनीहरुको मध्ये सुमनले प्रहरी आएको थाहा पाई क्लबको बाथरुममा लुकाएको म्यग्जिनमा लोड गरिएको एक राउन्ड गोलिसहितको अमेरिकन पेस्तोल प्रहरीले बरामद गरेको जानकारी दिएको छ ।

उनीहरुलाई नियन्त्रणमा लिएर प्रहरीले उनीहरु सवार बा ११ च ८०० नम्बरको कार खानतलासी गर्दा एउटा खुकुरी समेत बरामद गरेको जिल्ला प्रहरी कार्यालय बाँकेले जनाएको छ ।

बाँके प्रहरीले उनीहरुलाई हिरासतमा राखेर हातहतियार मुद्दामा थप अनुसन्धान गरिरहेको जानकारी दिएको छ ।

प्रहरीका अनुसार पक्राउ परेका सुमन र धर्म ज्यान मार्ने उद्योग मुद्दामा पक्राउ परेर धरौटी रिहा भएको प्रहरीले बताएको छ ।

प्रकाशित मिति: बुधबार, वैशाख २७, २०८० १७:२२

प्रतिक्रिया दिनुहोस्