चितवनमा बस दुर्घटना हुँदा ३१ जना घाइते

समाचार

गृहपृष्ठ
समाचार
चितवनमा बस दुर्घटना हुँदा ३१ जना घाइते

चितवनमा बस दुर्घटना हुँदा ३१ जना घाइते

सोमबार, जेठ १, २०८० बागेश्वरी पोस्ट

नेपालगन्ज । चितवनको पर्सा बजारमा बस दुर्घटना हुँदा ३१ जना घाइते भएका छन् ।

गएराती कलैयाबाट काठमाडौंतर्फ जाँदै गरेको बागमती प्रदेश ०३-००१ ख २५६१ नम्बरको बस खैरहनी नगरपालिका–८ पर्सा बजारमा दुर्घटना हुँदा ३१ जना घाइते भएको चितवन प्रहरीले जनाएको छ ।

प्रहरीका अनुसार बस अनियन्त्रित भई सडक छेउमा पल्टिएको हो । बस दुर्घटनाका सबै घाइतेहरुको पुरानो मेडिकल कलेज चितवनमा उपचार भइरहेको प्रहरीले प्रहरीले जानकारी दिएको छ ।

चितवन प्रहरीले दिएको जानकारी अनुसार घाइतेहरु मध्ये १ जनाको अवस्था गम्भीर रहेको र १४ जना मध्यम घाइते हुनुका साथै १६ जनाको अवस्था सामान्य छ ।

प्रकाशित मिति: सोमबार, जेठ १, २०८० ०८:२४

प्रतिक्रिया दिनुहोस्