नेपालगन्जको सदरलाइनमा युवाहरुको समूहबाट दिनदहाडै व्यापारीमाथि आक्रमण

सुरक्षा-अपराध

गृहपृष्ठ
सुरक्षा-अपराध
नेपालगन्जको सदरलाइनमा युवाहरुको समूहबाट दिनदहाडै व्यापारीमाथि आक्रमण

नेपालगन्जको सदरलाइनमा युवाहरुको समूहबाट दिनदहाडै व्यापारीमाथि आक्रमण

सोमबार, जेठ १५, २०८० बागेश्वरी पोस्ट

नेपालगन्ज । नेपालगन्जको ब्यस्त बजार सदरलाइनमा दिनदहाडै व्यापारीमाथि आक्रमण भएको छ ।

आज दिउँसो नेपालगन्जको जयसपुरबाट सदरलाइनमा आएर स्थानिय एक व्यापारीलाई एक हुल आएको युवाहरुले एक्कासी आक्रमण गर्दा स्थानिय व्यापारी र युवा विच झडप भएको हो । नेपालगन्ज सदरलाइन नजिक रहेको एक पसलमा एक हुल आएका युवाले पसलमा तोडफोड गरेका थिए ।

हातमा फलामका रड र लाठी लिएर आएका युवाहरुले व्यापारीलाई एक्कासी हमला गरेका थिए । अन्धाधुन्दा लाठी र राड प्रहारले व्यापारी र स्थानियलाई समेत चोटपटक लागेको थियो ।

पहिलो पटक आक्रमण गरेर गएका युवाहरुले पुनः दोश्रो पटक आक्रमण गरेपछि स्थानिय व्यापारी र युवाहरु मिलेर केही युवाहरुलाई समातेर कुटपिट गरेका छन् ।

प्रहरीका अनुसार पुरानो झगडा भएर सो घटना भएको हो। अहिले ब्यापारी र आक्रमणकारीको टोलीलाई वडा प्रहरी कार्यालयमा ल्याइएको छ। आक्रमणमा एक जनालाई टाउकोमा चोट लागेको प्रहरीले जानकारी दिएको छ।

प्रकाशित मिति: सोमबार, जेठ १५, २०८० १४:२०

प्रतिक्रिया दिनुहोस्