घाँस काट्न जाँदा भीरबाट खसेर आमा-छोराको मृत्यु

समाचार

गृहपृष्ठ
समाचार
घाँस काट्न जाँदा भीरबाट खसेर आमा-छोराको मृत्यु

घाँस काट्न जाँदा भीरबाट खसेर आमा-छोराको मृत्यु

मंगलबार, जेठ १६, २०८० बागेश्वरी पोस्ट

नेपालगन्ज । धादिङमा घाँस काट्न जाँदा भीरबाट लडेर आमा-छोराको मृत्यु भएको छ ।

बेनिघाट रोराङ गाउँपालिका-२ जौलाखाइस्थित कात्तिके चुली जंगलमा घाँस काट्न जानेक्रममा छोरा भीरबाट लडेर उद्धार गर्न जाँदा आमा पनि खसेर मृत्यु भएको हो ।

भिरबाट लडेर स्थानीय १९ वर्षीया अप्सरा चेपाङ र उनका दुई वर्षीय छोरा साजनको मृत्यु भएको धादिङ प्रहरीले जानकारी दिएको छ ।

सोमबार अपराह्न घाँस काट्न गएको बेला छोरा भिरबाट लडेपछि उनलाई उद्धार गर्न जाँदा आमा पनि खसेर दुवैको मृत्यु भएको धादिङ प्रहरीले जनाएको छ ।

यसैबीच गत शनिबार त्रिशूली नदीमा पौडी खेल्ने क्रममा बेपत्ता भएकी भक्तपुरकी २४ वर्षीया रोमी शाह ठकुरीको शव पनि आज बिहान गजुरी गाउँपालिकास्थित चालिसे नजिकै फेला परेको प्रहरीले जनाएको छ ।

प्रकाशित मिति: मंगलबार, जेठ १६, २०८० ११:२९

प्रतिक्रिया दिनुहोस्