बाँकेको राप्तीसोनारी जङ्गलमा बस र जीप ठोक्किँदा दुई जनाको मृत्यु

सुरक्षा-अपराध

गृहपृष्ठ
सुरक्षा-अपराध
बाँकेको राप्तीसोनारी जङ्गलमा बस र जीप ठोक्किँदा दुई जनाको मृत्यु

बाँकेको राप्तीसोनारी जङ्गलमा बस र जीप ठोक्किँदा दुई जनाको मृत्यु

मंगलबार, जेठ १६, २०८० बागेश्वरी पोस्ट

नेपालगन्ज । बाँकेको राप्तीसोनारीस्थित पूर्व- राजमार्ग अन्तर्गत ढकेरी नजिक बस र जीप ठोक्किँदा दुई जनाको मृत्यु भएको छ ।

आज अपराह्न साढे ४ बजे नेपालगन्जदेखि काकडभित्ता जाँदै गरेको भे १ ख ३३३५ नम्बर को बस र बुटवलदेखि नेपालगन्जतर्फ आउँदै गरेको बा १३ छ ८२५३ नम्बर जीप ठोक्किँदा दुई जनाको मृत्यु भएको जिल्ला ट्राफिक प्रहरी कार्यालय बाँकेले जनाएको छ ।

ट्राफिक प्रहरीका अनुसार मृत्यु हुनेमा गोरखा घर भएर जीप चालक सशस्त्र प्रहरी बलमा कार्यरत ३७ वर्षीय सुवास अधिकारी र रुपन्देहीकी ५४ वर्षीया डा. सन्जु खाती खड्का रहेका छन् ।

सामान्य घाइते भएका बस चालकलाई ईलाका प्रहरी कार्यालय कोहलपुरले नियन्त्रणमा लिएको छ ।

प्रकाशित मिति: मंगलबार, जेठ १६, २०८० १९:११

प्रतिक्रिया दिनुहोस्