नक्कली शरणार्थी प्रकरण: आजबाट अभियुक्तका पक्षबाट बहस

सुरक्षा-अपराध

गृहपृष्ठ
सुरक्षा-अपराध
नक्कली शरणार्थी प्रकरण: आजबाट अभियुक्तका पक्षबाट बहस

नक्कली शरणार्थी प्रकरण: आजबाट अभियुक्तका पक्षबाट बहस

बुधबार, जेठ २४, २०८० बागेश्वरी पोस्ट

नेपालगन्ज । आजबाट नक्कली भुटानी शरणार्थी प्रकरणमा अभियुक्तका पक्षबाट बहस शुरु हुने भएको छ । हिजो सरकारी वकिलको बहस सकिएपछि आजबाट अभियुक्त पक्षका वकिलहरूले बहस शुरु गर्दैछन् ।

सो बहसका लागि पूर्व महान्यायाधीवक्तादेखि नेपाल बार एसोसिएसनका बहालवाला अध्यक्षदेखि पूर्व अध्यक्षहरूले बहस गर्नका लागि नाम टिपाएका छन् ।

यसअघि नै निर्धारण भएको बहसको समय अनुसार सरकारी वकिलले तीन दिनको बहस सकिएपछि अभियुक्त पक्षका वकिलहरुले आजबाट बहस शुरु गर्न लागेका हुन् ।

अभियुक्त पक्षका वकिलका लागि भने बहसका लागि ६ दिनको समय दिइनेछ । जिल्ला अदालत काठमाडौंमा जारी थुनछेक बहस सकिएपछि अभियुक्तहरूलाई थुनामा राखेर मुद्दा चलाउने वा धरौटीमा रिहा गर्ने भन्ने आदेश दिनेछ ।

गत आइतबारदेखि जारी बहसका क्रममा सरकारी वकिलले अभियुक्तहरू शक्तिशाली पहुँच भएका व्यक्तिहरू भएको हुँदा उनीहरू बाहिर आए मुद्दा प्रभावित पार्न सक्ने भन्दै पुर्पक्षका लागि थुनामै राख्नुपर्ने तर्क राख्दै आएका छन् ।

सो प्रकरणमा पूर्व उपप्रधानमन्त्री एवं एमाले नेता टोपबहादुर रायमाझी, पूर्व गृहमन्त्री बालकृष्ण खाँड, बहालवाला सरकारका सचिव टेकनारायण पाण्डे, तत्कालीन गृहमन्त्री एवं एमाले उपाध्यक्ष रामबहादुर थापा बादलका सुरक्षा सल्लाहकार इन्द्रजित राई, केशव दुलाल र सानु भण्डारी लगायत ३० जनालाई अभियुक्त बनाई अभियोगपत्र दायर गरिएको छ ।

जसमध्ये १८ जना पक्राउ परेर हिरासतमा छन् भने १२ जना अझै फरार रहेका छन् । फरारको खोजी भइरहेको प्रहरीले जनाएको छ ।

प्रकाशित मिति: बुधबार, जेठ २४, २०८० ०९:४४

प्रतिक्रिया दिनुहोस्