सिंहदरबारबाट कार्यालय समयमा बाहिरिने कर्मचारीको विवरण टिप्दै राष्ट्रिय सतर्कता केन्द्र

समाचार

गृहपृष्ठ
समाचार
सिंहदरबारबाट कार्यालय समयमा बाहिरिने कर्मचारीको विवरण टिप्दै राष्ट्रिय सतर्कता केन्द्र

सिंहदरबारबाट कार्यालय समयमा बाहिरिने कर्मचारीको विवरण टिप्दै राष्ट्रिय सतर्कता केन्द्र

बिहीबार, जेठ ३२, २०८० बागेश्वरी पोस्ट

नेपालगन्ज । राष्ट्रिय सतर्कता केन्द्रले सिंहदरबार गेटमा कार्यालय समयमा बाहिर निस्किने कर्मचारीहरूको विवरण टिप्न सुरु गरेको छ ।

सिंहदरबारभित्र कार्यालयमा कर्मचारीहरुले कार्यालय समय सुरु हुँदा हाजिर गर्ने र लगत्तै कार्यालय बाहिर निस्केर कर्मचारी नभेटिने क्रम बढेपछि सतर्कता केन्द्रले कार्यालय समयमा बाहिर जाने कर्मचारीहरूको नाम, आईडी कार्डको विवरण, बाहिर निस्कने कामको प्रवृत्ति र समय टिप्न थालेको छ ।

विवरणमा अधिकांश व्यक्तिगत कामका लागि सिंहदरबार भित्रबाट बाहिर निस्किएको देखिएको छ । सिंहदरबारबाट बाहिरिने कर्मचारीहरुले व्यक्तिगत काम, छलफल, तेल हाल्न, अस्पताल जान, चिठ्ठी पुर्याउन, खाना खान, संसद भवन जान लगायतका विवरण टिपाएका छन् ।

कर्मचारीहरु कार्यालय समय सुरु हुँदा हाजिर गर्ने, व्यक्तिगत कामका लागि दिनभर हराउने र बेलुका कार्यालय समय सकिने बेला फेरि हाजिर गरेर हिँड्ने गरेको गुनासो बढेपछि सतर्कता केन्द्रले आज बिहान १० बजेदेखि छड्के अनुगमन गरेको हो ।

प्रकाशित मिति: बिहीबार, जेठ ३२, २०८० १३:३०

प्रतिक्रिया दिनुहोस्