चट्याङ लागेर बाग्लुङमा दुई नाबालकको मृत्यु

समाचार

गृहपृष्ठ
समाचार
चट्याङ लागेर बाग्लुङमा दुई नाबालकको मृत्यु

चट्याङ लागेर बाग्लुङमा दुई नाबालकको मृत्यु

आइतबार, असार १०, २०८० बागेश्वरी पोस्ट

नेपालगन्ज । चट्याङले हान्दा बागलुङमा २ जनाको मृत्यु भएको छ ।

प्रहरीका अनुसार बाग्लुङको ढोरपाटन नगरपालिका–५ पाखापानीका चित्रबहादुर विकको घरमा गएराति ९ बजे चट्याङ पर्दा उनका ६ वर्षीय छोरा दिनेश विक र ९ वर्षीया छोरी सुनिता विकको मृत्यु भएको हो ।

चट्याङ लागेर चित्रबहादुरकी श्रीमती यमकुमारी विक घाइते भएको जिल्ला प्रहरी कार्यालय बागलुङले जनाएको छ ।

चट्याङ लागेर घर नजिकै बाँधेको एक भैँसी समेत मरेको छ । घाइते यमकुमारीलाई उद्धार गरी अस्पताल पठाइएको प्रहरीले जनाएको छ ।

प्रकाशित मिति: आइतबार, असार १०, २०८० ०८:५२