रुपन्देहीबाट सशस्त्र प्रहरीले बरामद गर्यो पौने २ करोड बढीको सुन

सुरक्षा-अपराध

गृहपृष्ठ
सुरक्षा-अपराध
रुपन्देहीबाट सशस्त्र प्रहरीले बरामद गर्यो पौने २ करोड बढीको सुन

रुपन्देहीबाट सशस्त्र प्रहरीले बरामद गर्यो पौने २ करोड बढीको सुन

कारसहित चालक पनि नियन्त्रणमा

आइतबार, असार १०, २०८० बागेश्वरी पोस्ट

रुपन्देही । रुपन्देहीमा सशस्त्र प्रहरीले ठूलो परिमाणमा पौने २ करोड रुपैयाँ बढीको सुन बरामद गरेको छ ।

सशस्त्र प्रहरी बल नेपाल बिओपी बयरघाट रुपन्देहीको टोलीले गएराती साढे ९ बजे लुम्बिनी सांस्कृतिक नगरपालिका-१३ कालिदहबाट कारमा लुकाईछिपाई राखेको अवस्थामा १ किलोग्राम ९६५.३ ग्राम सुन बरामद गरेको सशस्त्र प्रहरी बल नं. २७ गण रुपन्देहीका प्रमुख एसपी दीपक थापाले जानकारी दिएका छन् ।

नेपाल सुन चाँदी व्यवासायी संघ रुपन्देहीले सशस्त्र प्रहरीले बरामद गरेको सुनको मूल्य १ करोड ८५ लाख ६५ हजार ३ सय ५५ रुपैयाँ रहेको जानकारी दिएको छ भने नियन्त्रणमा लिएको कारको मूल्य १५ लाख रुपैयाँ रहेको एसपी थापाले बताए ।

एसपी थापाका अनुसार नेपालबाट भारततर्फ जाँदै गरेको बा.१२ च. ३८२० नम्बरको मारुती सुजुकी कार र चालकलाई बिशेष सूचनाको आधारमा नियन्त्रणमा लिई चेकजाँच गर्दा गियर बक्समा फल्स बटम बनाएर लुकाईछिपाई लैजाँदै गरेको अबस्थामा इट्टा आकारको २ थान सुन फेला परेको थियो ।

सुन, कार र दाङको घोराही उपमहानगरपालिका १० का चालक हुमानन्द गिरीलाई नियन्त्रणमा लिएर भैरहवा भन्सार कार्यालयमा बुझाएको सशस्त्र प्रहरी उपरीक्षक दीपक थापाले जानकारी दिएका छन् ।

बरामद गरिएको करोडौं सुनसहित कार र चालकलाई आबश्यक कारबाहीका लागि रुपन्देही भन्सार कार्यालय बुझाइएको एसपी थापाले जानकारी दिएका छन् ।