नारायणगढ- मुग्लिङ सडकमा फेरि पहिरो खस्यो, हजारौं यात्रु अलपत्र

समाचार

शनिबार, असार १६, २०८० बागेश्वरी पोस्ट

नेपालगन्ज । अठ्ठाइस घण्टा लगाएर पहिरो पन्छाएसँगै सञ्चालनमा ल्याइएको नारायणगढ–मुग्लिन सडकखण्डमा फेरि पहिरो खस्दा सडक अवरुद्ध भएको छ ।

चितवनको इच्छाकामना गाउँपालिका–५ तीन किलोमा आज बिहान फेरि पहिरो खसेपछि सडक अवरुद्ध भएको जिल्ला ट्राफिक प्रहरी कार्यालय चितवनले जनाएको छ ।

बिहीबार दिउँसोबाट अवरुद्ध भएको सडक शुक्रबार साँझ ५ बजेबाट मात्र सञ्चालनमा ल्याइएपनि आज बिहान पुनः सोही ठाँउमा पहिरो खसेर सडक अवरुद्ध बनेको छ ।

पुनः पहिरो खसेर सडक अवरुद्ध बनेपछि हजारौं सवारीसाधन र हजारौं यात्रुहरु अलपत्र परेका छन् ।

प्रकाशित मिति: शनिबार, असार १६, २०८० ०७:४८

प्रतिक्रिया दिनुहोस्