धनगढी उडेको श्री एयरको जहाजमा प्राविधिक समस्या आएपछि काठमाडौं फर्काइयो

समाचार

गृहपृष्ठ
समाचार
धनगढी उडेको श्री एयरको जहाजमा प्राविधिक समस्या आएपछि काठमाडौं फर्काइयो

धनगढी उडेको श्री एयरको जहाजमा प्राविधिक समस्या आएपछि काठमाडौं फर्काइयो

शनिबार, असार १६, २०८० बागेश्वरी पोस्ट

नेपालगन्ज । काठमाडौंबाट धनगढी उडेको श्री एयरको जहाजमा प्राविधिक समस्या आएपछि काठमाडौं फर्किएको छ ।

आज दिउँसो ३:३३ बजे काठमाडौंबाट धनगढीका लागि उडेको श्री एयरको २२५ उडान नम्बरको जहाजमा हाइड्रोलिक फेल भएपछि उक्त जहाज काठमाडौं फिर्ता गएको त्रिभुवन अन्तर्राष्ट्रिय विमानस्थल कार्यालयले जनाएको छ ।

धनगढी पुग्न लागेको श्री एयरको उक्त जहाजको हाइड्रोलिक फेल भएपछि उक्त जहाजलाई ५ बजेर ५ मिनेटमा काठमाडौं विमानस्थलमा अवतरण गराइएको हो ।

अवतरण गरेको उक्त जहाज ट्याक्सी वेमा अड्किएपछि तानेर पार्किङ वेमा लगिएको थियो । त्यस समयमा केहीबेर विमानस्थल अवरुद्ध हुन पुगेको थियो ।

उक्त जहाजका यात्रुहरुलाई अर्को जहाजबाट धनगढी लगिएको त्रिभुवन अन्तर्राष्ट्रिय विमानस्थलले जनाएको छ ।

प्रकाशित मिति: शनिबार, असार १६, २०८० २०:००

प्रतिक्रिया दिनुहोस्