पहिरो खसेको ५ घण्टापछि सञ्चालनमा आयो नारायणगढ-मुग्लिन सडक

समाचार

गृहपृष्ठ
समाचार
पहिरो खसेको ५ घण्टापछि सञ्चालनमा आयो नारायणगढ-मुग्लिन सडक

पहिरो खसेको ५ घण्टापछि सञ्चालनमा आयो नारायणगढ-मुग्लिन सडक

सोमबार, असार १८, २०८० बागेश्वरी पोस्ट

नेपालगन्ज । आज बिहान २ बजेदेखि पहिरोका कारण अवरुद्ध भएको नारायगढ-मुग्लिन सडक दुइतर्फी सञ्चालनमा आएको छ ।

इलाका प्रहरी कार्यालय मुग्लिनका अनुसार चितवनको इच्छाकामना-५ स्थित तीन नम्बर पुलमा आज बिहान पुनः पहिरो खसेपछि सडक दुइतर्फी अवरुद्ध बनेको थियो ।

पहिरो पन्छाइ सडक दुइतर्फी सञ्चालन गरिएको इलाका प्रहरी कार्यालय मुग्लिनका प्रमुख प्रहरी निरीक्षक विशाल तामाङले जानकारी दिए ।

पहिरोसँगै खसेको ढुङ्गाले लागेर ना ६ख ७१० नम्बरको ट्रक चालकसमेत घाइते भएका छन् । घाइते चालकको मुग्लिन हाइवे हस्पिटलमा उपचार भइरहेको पनि प्रहरीले जनाएको छ ।

यसअघि शनिबार रातिदेखि बन्द भएको सडक झण्डै १८ घण्टापछि आइतबार साँझपख मात्रै खुलेको थियो ।

सोही स्थानमा गत आइतबारदेखि पटक-पटक पहिरो खस्दा सडक अवरुद्ध हुँदै आएको छ ।

प्रकाशित मिति: सोमबार, असार १८, २०८० ०८:२१