कोहलपुर बसपार्कमा एक पुरुष मृत भेटिए

सुरक्षा-अपराध

बुधबार, असार २०, २०८० बागेश्वरी पोस्ट

नेपालगन्ज । कोहलपुरमा एक जना पुरुष मृत अवस्थामा फेला परेका छन् ।

इलाका प्रहरी कार्यालय कोहलपुरले वडा नम्बर ११ स्थित बसपार्कको प्रतिक्षालयमा एक जना अन्दाजी ३७-३८ वर्षका पुरुष मृत अवस्थामा फेला परेको जनाएको छ ।

आज बिहान ४ बजेतिर ती पुरुष मृत अवस्थामा फेला परे पनि उनको पहिचान हुन नसकेको इलाका प्रहरी कार्यालय कोहलपुरले जानकारी दिएको छ ।

प्रहरीले मृत शवलाई पोष्टमार्टमका लागि नेपालगन्जस्थित भेरी अस्पताल पठाइएको जानकारी दिएको छ ।

प्रहरीले ती पुरुषले आत्महत्या गरेको या उनको हत्या भएको बारेमा थप अनुसन्धान गरिरहेको जनाएको छ ।

प्रकाशित मिति: बुधबार, असार २०, २०८० १३:३४

प्रतिक्रिया दिनुहोस्