मकवानपुर मनहरी ट्रक आगलागी अपडेट: तीन जनाको मृत्यु

समाचार

गृहपृष्ठ
समाचार
मकवानपुर मनहरी ट्रक आगलागी अपडेट: तीन जनाको मृत्यु

मकवानपुर मनहरी ट्रक आगलागी अपडेट: तीन जनाको मृत्यु

शनिबार, असार २३, २०८० बागेश्वरी पोस्ट

हेटौंडा । मकवानपुरमा दुई वटा ट्रक ठोक्किँएर आगलागी हुँदा तीन जनाको मृत्यु भएको छ ।

मनहरी गाउँपालिकामा-६ नयाँ बस्तीको डिपाट गाउँस्थित पूर्वपश्चिम राजमार्गमा आज बिहान पौने २ बजे विपरीत दिशाबाट आएका दुई वटा ट्रक ठोक्किएर दुर्घटना दुई वटै ट्रक जल्दा ट्रकमा सवार तीन जनाको मृत्यु भएको प्रहरीले जनाएको छ ।

प्रहरीका अनुसार मृत्यु हुनेमा ना ६ ख ६६६७ नं. को ट्रक चालक चितवन राप्ति ननगरपालिका-८ का २८ वर्षीय रिहान रुम्बा तामाङ, सहचालक गोरखा गण्डकी गाउँपालिका-२ गोर्दीटारका २१ वर्षीय सुमन चेपाङ र ना ६ ख ६३१ नंको ट्रक सहचालक जिल्ला मकवानपुर मनहरी गाउँपालिका-३ बस्ने वर्ष २० को अमृत प्रजा रहेका छन् ।

प्रहरीका अनुसार हेटौंडाबाट चितवनतर्फ जाँदै गरेको ना.६ ख ६६६७ नम्बरको ट्रक र पश्चिम् तर्फबाट जाँदै गरेको ना.६ ख ६३१ नम्बरको ट्रक एक आपसमा ठक्किएर दुर्घटना भएको हो ।

प्रहरीले घटनाबारे थप अनुसन्धान सुरु गरेको जनाएको छ ।

प्रकाशित मिति: शनिबार, असार २३, २०८० १०:०६