पेन्सन बुझ्न आएका बुढा कोहलपुरमा मृत भेटिए

सुरक्षा-अपराध

मंगलबार, असार २६, २०८० बागेश्वरी पोस्ट

नेपालगन्ज । कोहलपुरमा एक जना पूर्व नेपाल प्रहरी मृत अवस्थामा फेला परेका छन् ।

अन्दाजी ६०-६५ वर्षका पुरूष सोमबार साँझ कोहलपुर बसपार्क नजिकै सडक छेउँमा मृत अवस्थामा फेला परेको इलाका प्रहरी कार्यालय कोहलपुरले जानकारी दिएको छ ।

कोहलपुर प्रहरीका अनुसार मृतक कोहलपुर किरण नालाका बीर बहादुर बुढा रहेको प्रहरीलाई स्थानीयहरुले बताएका छन् ।

बुढा पूर्व नेपाल नेपाल प्रहरी रहेकोले सोमबार पेन्सन बुझ्न कोहलपुर आएर फर्किदै गर्दा साँझ साढे ५ बजे मृत फेला परेको प्रहरीले बताएको छ ।

प्रहरीले शवलाई पोष्टमार्टमका लागि नेपालगन्जस्थित भेरी अस्पताल पठाएको जनाएको छ ।

प्रहरीले घटना बारेमा अनुसन्धान गरिरहेको जनाएको छ ।

प्रकाशित मिति: मंगलबार, असार २६, २०८० १२:०७

प्रतिक्रिया दिनुहोस्