नेपालगन्जमा ४३ ग्राम ब्राउनसुगरसहित २ भारतीय पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जमा ४३ ग्राम ब्राउनसुगरसहित २ भारतीय पक्राउ

नेपालगन्जमा ४३ ग्राम ब्राउनसुगरसहित २ भारतीय पक्राउ

बुधबार, असार २७, २०८० बागेश्वरी पोस्ट

नेपालगन्ज । बाँके प्रहरीले नेपालगन्जको सीमा नाकास्थित जमुनाह गाउँबाट आज ब्राउनसुगरसहित दुई जना भारतीय युवालाई पक्राउ गरेको छ ।

जिल्ला प्रहरी बाँके र लागूऔषध नियन्त्रण ब्युरो नेपालगन्जको संयुक्त टोलीले भारतबाट नेपालगन्जतर्फ आउँदै गरेका रुपैडिहाका १९ वर्षीय जुनेद राई र १९ वर्षकै सलमान अलिलाई ४३ ग्राम ब्राउनसुगरसहित पक्राउ गरेको जिल्ला प्रहरी बाँकेले जनाएको छ ।

भारतीय नम्बर प्लेटको यूपी ३२ एमपी ६१८९ नम्बर मोटरसाइकलमा रुपइडिहाबाट नेपालगन्जतर्फ आउँदै गरेका दुबै जनालाई चेकजाँच गर्दा जुनेदले गोजामा राखिरहेको अवस्थामा ४३ ग्राम फेला परेको प्रहरीले जनाएको छ ।

प्रहरीले नियन्त्रणमा लिएका दुबै भारतीय युवकसँग थप अनुसन्धान गरिरहेको जनाएको छ ।

प्रकाशित मिति: बुधबार, असार २७, २०८० २०:३८

प्रतिक्रिया दिनुहोस्