नेपालगन्ज उद्योग बाणिज्य संघ निर्वाचन: रौनियारको पक्षमा खुल्दै मतदाता

स्थानीय

गृहपृष्ठ
स्थानीय
नेपालगन्ज उद्योग बाणिज्य संघ निर्वाचन: रौनियारको पक्षमा खुल्दै मतदाता

नेपालगन्ज उद्योग बाणिज्य संघ निर्वाचन: रौनियारको पक्षमा खुल्दै मतदाता

बिहीबार, साउन ११, २०८० बागेश्वरी पोस्ट

नेपालगन्ज । नेपालगन्ज उद्योग बाणिज्य संघको आसन्न निर्वाचनलाई लक्षित गरी ललित कुमार रौनियार नेतृत्वको टोलीले घरदैलो अभियानलाई तीब्र पारेको छ ।

प्रजातान्त्रिक उद्योग बाणिज्य संघको तर्फबाट अध्यक्ष पदका उम्मेदवार रौनियार नेतृत्वको टोलीले चुनावी अभियानलाई तीब्र पारेको हो । नेपालगन्जका स्थायीबासी समेत रहेका रौनियार स्थानीय माझ लोकप्रिय छन् ।

बुधबार घरदैलो गरेको टोलीले आज पनि बिहानैदेखि नगरको त्रिभुवनचोक क्षेत्रमा चुनावी प्रचारप्रसार गरिरहेको अध्यक्षका प्रत्याशी रौनियारले बताए । उनले भने-`अधिकांश व्यापारीको भनाई स्थानीयलाई जिताउनुपर्छ भन्नेछ । त्यसका हिसाबले मप्रति धेरैको सहानुभूति छ ।´ रौनियारले लामो समयदेखि व्यवसायिक हकहितमा वकालत गर्दै आएका छन् ।

पदमा नभए पनि रौनियारले नेपालगन्जका व्यवसायीहरुको सवालमा वकालत गर्दै आएका छन् । `व्यवसायिक हकहितको सवालमा मेरो कुनै सम्झौता हुन्न,' उनले भने-`नेपालगन्ज उद्योग बाणिज्य संघमा देखिएको बेथितिलाई थिति बसाल्न मेरो उम्मेदवारी हो ।´ स्थानीय अधिकांश व्यवसायी रौनियारको पक्षमा देखिएका छन् ।

प्रकाशित मिति: बिहीबार, साउन ११, २०८० ०८:२३

प्रतिक्रिया दिनुहोस्