जुम्ल्याहा दाजुभाइ कपिलवस्तुमा मृत फेला

सुरक्षा-अपराध

गृहपृष्ठ
सुरक्षा-अपराध
जुम्ल्याहा दाजुभाइ कपिलवस्तुमा मृत फेला

जुम्ल्याहा दाजुभाइ कपिलवस्तुमा मृत फेला

बुधबार, साउन २४, २०८० बागेश्वरी पोस्ट

कपिलवस्तु । कपिलवस्तुको कृष्णनगरमा एकै परिवारका जुम्ल्याहा दाजुभाइ मृत भेटिएका छन् ।

मंगलबारदेखि हराएका कृष्णनगर-५ बगहीमा जुम्ल्याहा दाजुभाइ घर नजिकैको पोखरीमा डुबेको अवस्थामा मृत फेला परेको जिल्ला प्रहरी कार्यालय कपिलवस्तुले जनाएको छ ।

५ वर्षीय जुम्ल्याहा दाजुभाइ राजन यादव र साजन यादव मंगलबार हराएको सूचना राती ९ बजे पाए लगत्तै खोजीमा निस्केको प्रहरीको टोलीले उनीहरुको शव आज बिहान घर नजिकैको पोखरीमा फेला परेको प्रहरीले जानकारी दिएको छ ।

प्रहरीले दाजुभाइ माटो निकालेर पानी जमेको खाडलमा मृत अवस्थामा फेला परेको बताएको छ । प्रहरीले दुवै शवको पोष्टमार्टम गरी परिवारलाई बुझाइएको जनाएको छ ।

प्रहरीले घटना बारेमा थप अनुसन्धान गरिरहेको जनाएको छ ।

प्रकाशित मिति: बुधबार, साउन २४, २०८० १३:५२

प्रतिक्रिया दिनुहोस्