नेपालगन्ज विमानस्थलबाट ९ लाखका मोबाइलसहित ४ भारतीय पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्ज विमानस्थलबाट ९ लाखका मोबाइलसहित ४ भारतीय पक्राउ

नेपालगन्ज विमानस्थलबाट ९ लाखका मोबाइलसहित ४ भारतीय पक्राउ

बिहीबार, असोज ४, २०८० बागेश्वरी पोस्ट

नेपालगन्ज । नेपालगन्ज एयरपोर्टमा खटिएको नेपाल प्रहरीको टोलीले ९ लाख रुपैयाँको अवैध मोबाइल बरामद गरेको छ । नेपालगन्जबाट बुद्ध एयरमार्फत काठमाडौं जाँदै गरेका भारतको मध्यप्रदेशस्थित इन्दौरका चार जनाले ब्याग राखेर लैजाँदै गरेको ३२ थान स्मार्ट मोबाइल फोन बरामद गरेको जिल्ला प्रहरी बाँकेले जनाएको छ ।

एयरपोर्ट प्रहरीले इन्दौरका अमित सोलंकी, सचिन कुकरेज, कमल बंसारी र अमित सोलंकीको साथबाट जनही ८ वटा मोबाइल फोन बरामद गरेको हो । बिना बिल ब्यागमा राखेर काठमाडौं लैजाने क्रममा विमानस्थलको सुरक्षा जाँच गर्ने एक्सरे मेशिनबाट सबैको झोलामा मोबाइल देखिएपछि मोबाइलसहित ती चार जना भारतीय नागरिकहरुलाई नियन्त्रणमा लिइएको बाँके प्रहरी प्रवक्ता डीएसपी नारायण डाँगीले जानकारी दिएका छन् ।

प्रहरीका अनुसार बरामद गरिएका मोबाइल फोनहरुमा वन प्लस, एप्पो, रेडमी र सामसुङ कम्पनीका रहेका छन् । ती मोबाइल चोरीको भएको हुन सक्ने प्रहरीले अनुमान गरेको छ । बुधबार दिउँसो १ बजे बरामद गरिएका ३२ थान मोबाइल र चार भारतीयलाई आबश्यक कारबाहीका लागि नेपालगन्ज भन्सार कार्यालय पठाएको जनाइएको छ ।

प्रकाशित मिति: बिहीबार, असोज ४, २०८० १५:४०

प्रतिक्रिया दिनुहोस्