तनावग्रस्त बनेको बालसुधार गृह प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
तनावग्रस्त बनेको बालसुधार गृह प्रहरीको नियन्त्रणमा

तनावग्रस्त बनेको बालसुधार गृह प्रहरीको नियन्त्रणमा

शुक्रबार, असोज ५, २०८० बागेश्वरी पोस्ट

नेपालगन्ज । बाँकेको बालसुधार गृहबाट झडपकै क्रममा फरार भएका २५ जना बाल कैदीबन्दीलाई प्रहरीले नियन्त्रणमा लिएको छ ।

आज मध्यान्हसम्म तनावग्रस्त बनेको बाँकेको डुडुवास्थित जयेन्दु बालसुधार गृहको माहोल शान्त बनेको छ । सुरक्षाफौजको अथक प्रयास पछि त्यहाँको अवस्था शान्त भएको बाँके प्रहरीले जानकारी दिएको छ ।

गए रातिदेखिनै माहोल शान्त पार्ने धेरै प्रयास असफल भएपनि आज मध्याह्नमा मात्रै तनावग्रस्त बालसुधार गृहलाई प्रहरीले आफ्नो नियन्त्रणमा लिन सफल बनेको हो ।

लागूऔषध सेवन गर्ने र नगर्ने कैदीबन्दीबीच झडप हुँदा एक जनाको मृत्युसँगै १० जना घाइते भएका हुन् । घाइतेहरु मध्ये १ जनाको अवस्था गम्भीर रहेको बाँके प्रहरीले जनाएको छ भने उनीहरुको नेपालगन्ज मेडिकल नेपालगन्जमा उपचार भइरहेको छ ।

प्रहरी श्रोतका अनुसार लागूऔषध सेवन गर्ने कैदीबन्दीले नगर्नेलाई हेप्ने, पिट्ने क्रममा प्रतिकारमा उत्रेका दुई समूह बीचको सामान्य झगडा ठूलो झडपमा परिणत भएको हो ।

झडपका क्रममामा अपहरण तथा बलात्कार मुद्दामा बालसुधार गृहमा रहेका रुपन्देहीस्थित कन्चन गाउँपालिकाका सुलभ केसीको मृत्यु भएको प्रहरीले जानकारी दिएको छ ।

बालसुधार गृहबाट फरार भएका सबैलाई नियन्त्रणमा लिएको बताएपनि अझै फरार रहेको बताइएको छ।

प्रहरीले अहिले सबै कैदीबन्दीहरुलाई बाहिर निकालेर गणना सुरु गरिरहेको बाँके प्रहरीले जनाएको छ । गणना सकिएपछि मात्रै एकिन पत्ता लाग्ने बताइएको छ ।

प्रकाशित मिति: शुक्रबार, असोज ५, २०८० १५:१४

प्रतिक्रिया दिनुहोस्