ठुलो भयानक दुर्घटनाबाट धन्न जोगियो त्रिभुवन विमानस्थल

समाचार

गृहपृष्ठ
समाचार
ठुलो भयानक दुर्घटनाबाट धन्न जोगियो त्रिभुवन विमानस्थल

ठुलो भयानक दुर्घटनाबाट धन्न जोगियो त्रिभुवन विमानस्थल

मंगलबार, माघ २८, २०७६ बागेश्वरी पोस्ट

काठमाडौं । विमानस्थल आफैंमा अतिसंवेदनशील क्षेत्र हो, त्यसमाथि काठमाडौंको व्यस्त अन्तार्राष्ट्रिय विमानस्थलमा सोमबार राती आगलागी भयो ।

हवाई सुरक्षाविज्ञहरुका अनुसार विमानस्थलको बोर्डिङ एरियाभित्र एउटा लाइटर बाल्नुलाई पनि निकै खतरापूर्ण मानिन्छ । अन्तार्राष्ट्रिय विमानस्थलको टर्मिनल भवनभित्रैको कफिसपमा आगो सल्किएपछि विमानस्थल नै बन्द गर्नुपर्‍यो ।

एक्कासी आगो फैलिन सुरु गरेपछि करिब २ घण्टाभन्दा बढी उडान अवतरण नै बन्द गर्नुपरेको थियो ।विमानस्थलका एक अधिकारीका अनुसार यो आगलागी समयमै नियन्त्रण हुन पाएकाले ठूलो दुर्घटनाको जोखिम टरेको छ । यदि विमानस्थलमा थप आगो फैलिएको भए टर्मिनलभित्र मात्रै हैन, पार्किङमा रहेका विमानसम्म जोखिममा हुन्थ्यो । त्रिभुवन विमानस्थल निकै साँघुरो भएकाले पनि यस्ता घटनामा जोखिम उच्च हुने गर्छ ।

विमानमा ठूलो विष्फोटसहित आगो लाग्ने अवस्था आए त्यसले ठूलो विपद निम्तिने डर हुने ती अधिकारीको भनाइ छ । आयल निगम स्रोत अनुसार विमानस्थलको टर्मिनल भवनमा आगो लाग्दा निगमको हवाई इन्धन रिफ्युलर ट्यांकहरु धावनमार्ग आसपास नै थिए । यदि आगो फैलिएर यस्ता रिफ्युलरमा सल्किए मात्रै पनि ठूलो दुर्घटनाको निम्तिने निगमका अधिकारी बताउँछन् । ‘विमानस्थल जस्तो संवेदनशील क्षेत्रमा भएको आगलागीलाई पटक्कै सममान्य मान्न सकिँदैन,’ ती अधिकारी भन्छन्,’विमानस्थलको भौतिक तथा विद्युतीय सुरक्षाको पाटो यसले छर्लङ्गै बनाइदिएको छ ।

’विमानस्थलको छेउमै निगमको हवाई इन्धनको डिपो समेत छ । जसले गर्दा विमानस्थल आफैंमा निकै जोखिममा छ । विमानस्थलका महाप्रवन्धक देवेन्द्र केकसी समयमै यात्रीलाई बाहरि निकालिएकोले मानवीय क्षति नभएको बताउँछन् । उनले आगो के कारणले लागेको हो भन्नेबारे अनुसन्धान सुरु भएको छ । प्रहरीले विद्युत सर्टका कारण आगलागी भएको हुनसक्ने भनेपनि कफिसपको लापरवाही पनि कारण थियो कि भन्ने आशंका छ ।

केसीका अनुसार प्रतिक्षा कक्षको कफीसपबाट आगोलागी फैलन थालेलगत्तै यात्रीलाई धावनमार्गतर्फको भागको गेटबाट बाहिर निकालिएको थियो । यसरी यात्रीलाई एकाएक धावनमार्गतर्फ निकाल्दा अन्य खालका दुर्घटनाको पनि सम्भावना हुन्छ । तर, विमानस्थलले यसमा होसियारी अपनाएको थियो ।

यात्रुलाई बाहिर निकालेपछि मात्रै आगलागी नियन्त्रणमा लिन दमकल पुगेको थियो । विमानस्थलमा आगो लागेपछि अवतरण गर्नुपर्ने विमान होल्ड गर्नुपरेको थियो । संस्कृति पर्यटन तथा नागरिक उड्डयन मन्त्रीका स्वकीय सचिव प्रेम गुरागाइँले अति सम्वेदनशील स्थानमा सामान्य अगलागी मात्र भएको टिप्पणी गरेका छन् ।

उनले टिवटमा लेखेका छन्,’विमानस्थलको डिपार्चर टर्मिनल भवनमा रहेको कफीसपमा विद्युत सर्ट हुँदा आगलागी भएको हो, यसबाट कुनै मानवीय क्षति भएको छैन । प्रहरी तथा विमानस्थलका बारूण यन्त्रले आगो नियन्त्रण भएको हो।’अनलाइनखबरबाट।

प्रकाशित मिति: मंगलबार, माघ २८, २०७६ ०६:५०

प्रतिक्रिया दिनुहोस्