नेपालमा जलवायु परिवर्तनको असर न्यूनीकरणमा सहयोग गर्ने राष्ट्रसंघका महासचिव गुटेरेसको प्रतिबद्धता

समाचार

गृहपृष्ठ
समाचार
नेपालमा जलवायु परिवर्तनको असर न्यूनीकरणमा सहयोग गर्ने राष्ट्रसंघका महासचिव गुटेरेसको प्रतिबद्धता

नेपालमा जलवायु परिवर्तनको असर न्यूनीकरणमा सहयोग गर्ने राष्ट्रसंघका महासचिव गुटेरेसको प्रतिबद्धता

मंगलबार, कात्तिक १४, २०८० बागेश्वरी पोस्ट

गण्डकी । नेपालमा जलवायु परिवर्तनको असर न्यूनीकरणका लागि नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले सहयोग गर्ने प्रतिबद्धता व्यक्त गरेका छन् ।

आज बिहान अन्नपूर्ण आधार शिविर पुगेका उनले विकसित तथा औद्योगिक राष्ट्रका कारण जलवायु परिवर्तन भइरहेको बताउँदै त्यसको नतिजा नेपालले भोगिरहेको बताए ।

जलवायु परिवर्तनको बढ्दो असरका सन्दर्भमा नेपालको भूमिका नभएको उनले उल्लेख गरे ।

विश्वव्यापी तापमान वृद्धिका कारण हिमाली शृङ्खलाको हिउँ दिनप्रतिदिन घटिरहेको बताउँदै उनले हिउँ पग्लिएकै कारण पहिरो तथा बाढीले समुदायमा क्षति पुर्‍याइरहेको बताए ।

धनी तथा औद्योगिक राष्ट्रलाई जलवायु परिवर्तनको असर न्यूनीकरण हुने गरी प्रविधि तथा उपाय अपनाउन आह्वान गर्दै उनले नेपालमा परिहेको जलवायु परिवर्तनको असरमा सहयोग गर्न आग्रह गरे ।

नेपाली सेनाको हेलिकोप्टरबाट अन्नपूर्ण आधार शिविर पुग्नुभएका महासचिव गुटेरेसलाई अन्नपूर्ण गाउँपालिकाका प्रमुख विष्णुबहादुर केसी, छोम्रोङ पर्यटन समितिका पदाधिकारी तथा स्थानीय पर्यटन व्यवसायीले स्वागत गरेका थिए ।

महासचिव गुटेरेस भ्रमण दलका प्रतिनिधि, सुरक्षा निकायका प्रतिनिधिसहित आधार शिवर पुगेका थिए ।

प्रकाशित मिति: मंगलबार, कात्तिक १४, २०८० ११:३१

प्रतिक्रिया दिनुहोस्