'मलंग'ले पहिलो साता कति कमायो ?

मनोरञ्जन

गृहपृष्ठ
मनोरञ्जन
'मलंग'ले पहिलो साता कति कमायो ?

'मलंग'ले पहिलो साता कति कमायो ?

मंगलबार, माघ २८, २०७६ एजेन्सी

मुम्बई । आदित्य रोय कपूर र दिशा पाटनीको मुख्य भूमिका रहेको फिल्म 'मलंग'ले उत्कृष्ट व्यापार गरिरहेको छ ।

फेब्रुअरी ७ मा रिलिज भएको फिल्मले पहिलो दिन ६.७१ करोडको कलेक्सन गरेको थियो ।

व्यापार विश्लेषकहरूले पहिलो दिन फिल्मले ५ देखि ८ करोडसम्म कमाउने अनुमान गरेका थिए ।

शनिवार अर्थात् रिलिजको दोस्रो दिन मलंगको कलेक्सनमा बढोत्तरी भयो । शनिवार फिल्मले ८.८९ करोड कमायो । आइतवार भने फिल्मको कलेक्सन ९.७६ करोड थियो ।

फिल्म पहिलो साता कुल २५.३६ करोड कलेक्सन गरेको छ ।

आदित्य रोय कपूरको सोलो लीड रहेको फिल्ममध्ये यो सात वर्षयताकै उत्कृष्ट हो । आशिकी २ ले पहिलो साता २०.५ करोड कलेक्सन गरेको थियो । त्यस्तै फितूरले पहिलो साता १४.११ करोड कमाउँदा 'ओके जानू'ले १३.८ करोड कमाएको थियो ।

प्रकाशित मिति: मंगलबार, माघ २८, २०७६ १२:१९