नेपालगन्जबाट चोरीको वाइकसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जबाट चोरीको वाइकसहित दुई जना पक्राउ

नेपालगन्जबाट चोरीको वाइकसहित दुई जना पक्राउ

बिहीबार, मंसिर १४, २०८० बागेश्वरी पोस्ट

नेपालगन्ज । बाँके प्रहरी मोटरसाइकल चोरी गर्ने गिरोहविरुद्ध एक्सनमा उत्रिएको छ ।मोटरसाइकल चोरी गर्ने गिरोहविरुद्ध धावा बोलिसकेको बाँके प्रहरीले धमाधम मोटरसाइकलसहित चोरहरुलाई नियन्त्रणमा लिन सुरु गरेको छ ।

केही दिन अघि मात्र मोटरसाइकलसहित एक जनालाई पक्राउ गरेको बाँके प्रहरीले आज पनि चोरी भएको मोटरसाइकलसहित दुई जनालाई पक्राउ गरेको छ ।

बुधबार मात्रै नेपालगन्ज-८ का अतहर हुसेन फारुकीको मोटरसाइकल चोरी भएको निवेदन आए पश्चात खोजतलास गर्ने क्रममा आज मोटरसाइकलसहित दुई जनालाई प्रहरीले फेला पारेको हो ।

खोजतलासका क्रममा जिल्ला प्रहरी कार्यालयबाट खटिएको प्रहरी टोलीले आज नेपालगन्ज-१८ जनता ग्यारेज अगाडिबाट आज चोरी भएको मोटरसाइकलसहित नेपालगन्ज-८ का २३ वर्षीय अजय सिंह बाडिया र नेपालगन्ज-८ का २० वर्षीय रमेश भनिने हरि सुनारलाई पक्राउ डीएसपी नारायण डाँगीले जानकारी दिएका छन् ।

नेपालगन्जमा केही दिन अघिसम्म दिनहुँ मोटरसाइकलका चोरीका घटना भएपछि आलोचना खेपेको बाँके प्रहरीले गरेको सुष्म अनुसन्धान पश्चात मोटरसाइकल चोरी गर्ने गिरोहका सदस्यहरु पक्राउ पर्न थालेका छन् ।

बाँके प्रहरीले मोटरसाइकल चोरी गर्ने गिरोहविरुद्ध एक्सनमा आएपछि चोरीका घटनाहरुमा पनि कमी आएको छ ।

आफ्नो घरबाटै मोटरसाइकल चोरी भएका धनीहरुले बाँके प्रहरीले मोटरसाइकलसहित चोरहरुलाई पक्राउ गर्न थालेपछि आफ्नो मोटरसाइकल फेला पर्छ कि भन्ने आशा पलाएको बताउँछन् ।

यता बाँके प्रहरीले मोटरसाइकल चोरी गर्ने गिरोहविरुद्ध कारबाही अगाडि बढाइसकेको हुँदा अब उनीहरुलाई पक्राउ गर्न कुनै कसर बाँकि नराख्ने बताउँदै पक्राउ परेका दुबै जनासँग थप अनुसन्धान गरिरहेको जनाएको छ ।

प्रकाशित मिति: बिहीबार, मंसिर १४, २०८० १९:४४

प्रतिक्रिया दिनुहोस्