चीनबाट ल्याइने १८० जना नेपालीले आफ्ना परिवार भेट्न नपाउने

समाचार

गृहपृष्ठ
समाचार
चीनबाट ल्याइने १८० जना नेपालीले आफ्ना परिवार भेट्न नपाउने

चीनबाट ल्याइने १८० जना नेपालीले आफ्ना परिवार भेट्न नपाउने

बिहीबार, फागुन १, २०७६ बागेश्वरी पोस्ट

फाइल फोटो

काठमाडौं । चीनबाट ल्याइने १८० जनाले नेपाल आएपछि आफ्ना परिवार भेट्न नपाउने भएका छन् ।

दूतावासले नेपाल फर्कन फाराम भरेका १ सय ८० नेपाली विद्यार्थीलाई सर्तनामा फाराम भराएको छ। फाराममा नेपाल पुगेपछि क्वारेन्टानमा रहँदा कस्तो नियम पालना गर्ने भन्ने उल्लेख छ। चीनबाट उद्दार गरेर ल्याइने नेपाली विद्यार्थीले क्वारेन्टाइनमा १४ देखि १७ दिनसम्म बस्नुपर्ने छ। यस्तै क्वारेन्टाइनमा रहँदा कसैले पनि आफ्नो परिवारसँग भेट गर्न पाउने छैनन्।

उद्दार गरेर ल्याइने १ सय ८० विद्यार्थीको लागि ६० वटा कोठा तयार पारिएको दूतावासले विद्यार्थीहरूलाई जानकारी गराएको छ। जसमा विद्यार्थीहरूलाई निश्चित समूह बनाएर राखिने छ। ६ जनासम्मले एउटै शौचालय प्रयोग गर्नुपर्ने विद्यार्थीहरूलाई बताइएको छ। क्वारेन्टाइनमा रहनेका लागि त्यहीँभित्रै खाना, स्वास्थ्य उपचार, संक्रमणको सतर्कतालगायत सबैकुरा व्यवस्थित गरिने भएको छ।

दूतावासले विद्यार्थीलाई फाराम भर्न लगाउँदै नेपालबाट खबर आउनसाथ तयार हुन भनेको छ। ुहामी सबै जनालाई दूतावासले वुहानमा जम्मा गर्ने भनेको छु हुबेईमा रहेकी एक विद्यार्थीले भनिन्, एयरपोर्ट पुग्न पनि हामीलाई दूतावासले नै बस व्यवस्था गर्छौं भनेको छ। चीनको वुहानबाट फैलिएको कोरोनाभाइरसले विश्वभर आतंक मच्चाएपछि सरकारले फागुन ३ गते हुबेई प्रान्तमा रहेका आफ्ना नागरिलाई लिन नेपाल एयरलाइन्सको वाइडबडी जहाज पठाउँदैछ।

सम्पूर्ण क्रूुलाई विशेष तालिम पनि दिइसकेको छ। सरकारले चीनबाट उद्दार गरेर ल्याइने नेपाली विद्यार्थीलाई क्वारेन्टाइमा राख्न भक्तपुरको खरिपाटीस्थित विद्युत प्राधिकरणको दुइटा भवन तयार गरेको छ। चीनबाट ल्याइने नेपाली विद्यार्थीका लागि ८६ जना स्वास्थ्यकर्मी खटिने भएका छन्।सेतोपाटीबाट।

प्रकाशित मिति: बिहीबार, फागुन १, २०७६ १०:४२

प्रतिक्रिया दिनुहोस्