बाँकेमा सुनका गहनासहित एक जना भारतीय नागरिक पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा सुनका गहनासहित एक जना भारतीय नागरिक पक्राउ

बाँकेमा सुनका गहनासहित एक जना भारतीय नागरिक पक्राउ

बुधबार, मंसिर २७, २०८० बागेश्वरी पोस्ट

नेपालगञ्ज । बाँकेमा प्रहरीले सुनका गहनासहित एक जना भारतीय नागरिकलाई पक्राउ गरेको छ ।

नेपालबाट ७० ग्राम सुनका विभिन्न गहना बनाएर भारततर्फ जाँदै गरेका भारत बाबागञ्जका ४० वर्षीय बब्लु भन्ने सञ्जयकुमार सोनीलाई मंगलबार प्रहरीले नेपालगञ्ज उपमहानगरपालिका १० साझा चोकस्थित चारबाहिनीबाट जमुनाहातर्फ जाँदै गरेको अवस्थामा सोनीलाई पक्राउ गरेको हो । उक्त सुनको बजार मूल्य ६ लाख ७८ हजार रुपैयाँ रहेको प्रहरीले जनाएको छ ।

युपी ४० एयु ४१९९ नम्बरको मोटरसाइकलमा रहेका सञ्जयको साथबाट २ थान मिनी हार, १ थान मसिनो सिक्री, १ थान लकेट, नथिया ठूलो सानो १० थान, कानमा लगाउने झाला ४ थान र १ थान औंठी बरामद गरेका जिल्ला प्रहरी कार्यालय बाँकेले जनाएको छ । उनको साथबाट केही नक्कली गहना पनि बरामद भएको छ ।

ग्यारेन्टीवाला कानमा लगाउने टप ५४ जोर, कानमा लगाउने बेरुवा बाली ३१ जोर, रातो पोतेमा पाइप लगाएको १ थान समेत बरामद भएको बाँके प्रहरी प्रवक्ता प्रहरी नायब उपरीक्षक नारायण डाँगीले जानकारी दिए ।

प्रकाशित मिति: बुधबार, मंसिर २७, २०८० २१:०४