टिपरको ठक्करबाट मामा-भान्जाको मृत्यु

सुरक्षा-अपराध

गृहपृष्ठ
सुरक्षा-अपराध
टिपरको ठक्करबाट मामा-भान्जाको मृत्यु

टिपरको ठक्करबाट मामा-भान्जाको मृत्यु

शनिबार, मंसिर ३०, २०८० बागेश्वरी पोस्ट

तुलसीपुर । दाङको घोराहीमा टिप्परको ठक्करबाट मोटरसाइकल सवार दुई युवकको मृत्यु भएको छ ।

जिल्ला प्रहरी दाङका अनुसार तुलसीपुरबाट घोराहीतर्फ जाँदै गरेको रा १ क १३०७ नम्बरको टिप्परले घोराहीबाट तुलसीपुरतर्फ आउँदै गरेको रा २ प ५५८९ नम्बको मोटरसाइकललाई गए राति साढे १० बजे घोराही-१० झारबैरा चोकमा ठक्कर दिएको थियो ।

ठक्करबाट गम्भीर घाइते भएका मोटरसाइकलमा सवार प्यूठान झिमरुक गाउँपालिका-४ बाङ्गेका १७ वर्षीय विशाल जिसी र नौबहिनी गाउँपालिका-६ लुङका १८ बर्षीय सागर केसीको उपचारका क्रममा राप्ती स्वास्थ्य विज्ञान प्रतिष्ठान घोराहीमा मृत्यु भएको दाङ प्रहरीले जानकारी दिएको छ ।

मोटरसाइकलमा सवार दुई युवक नातामा मामा-भान्जा रहेको प्रहरीले जनाएको छ ।

प्रहरीले ठक्कर दिने टिप्पर र रुन्टीगढी गाउँपालिका- ९ रोल्पा घर भएका २६ वर्षीय चालक इश्वर बुढालाई नियन्त्रणमा लिएर अनुसन्धान भइरहेको जनाएको छ ।

प्रकाशित मिति: शनिबार, मंसिर ३०, २०८० ११:०८