घोराही दुर्घटनामा मामा-भान्जा मृत्यु प्रकरणमा आन्दोलनरत १५ जना पक्राउ

सुरक्षा-अपराध

गृहपृष्ठ
सुरक्षा-अपराध
घोराही दुर्घटनामा मामा-भान्जा मृत्यु प्रकरणमा आन्दोलनरत १५ जना पक्राउ

घोराही दुर्घटनामा मामा-भान्जा मृत्यु प्रकरणमा आन्दोलनरत १५ जना पक्राउ

आइतबार, पुस १, २०८० बागेश्वरी पोस्ट

दाङ । दाङको घोराहीमा टिप्परको ठक्करबाट ज्यान गुमाएका मामा-भान्जा मृत्यु प्रकरणमा आन्दोलनरत पीडित परिवारका १५ जनालाई प्रहरीले पक्राउ गरेको छ ।

शुक्रबार राति घोराही-१० झारबैरामा भएको दुर्घटनामा ज्यान गुमाएका प्युठानका दुई युवाको तर्फबाट घोराहीमा आन्दोनल गर्ने क्रममा पीडित परिवारका १५ जनालाई प्रहरीले पक्राउ गरेको हो ।

मृतकका परिवारले उचित क्षतिपूर्तिको व्यवस्था र टिप्पर चालकलाई कारवाही नभएसम्म शव अस्पतालबाट नउठाउने भन्दै आज दाङ बन्दको आह्वान गरेका थिए ।

सोही क्रममा आज बिहान आन्दोलन गर्ने क्रममा प्रहरीले १५ जनालाई पक्राउ गरेको हो । घोराहीका चक्काजाम गर्ने क्रममा प्युठानको झिमरुक गाउँपालिकाका उपाध्यक्ष प्रमोद पोख्रेल, नौबहिनी गाउँपालिका-६ का वडा अध्यक्ष मानबहादुर केसी र मृतक दुई युवाका दाजु तथा मामा राजेश जिसी लगायतलाई प्रहरीले नियन्त्रण लिएको हो।

‘न्यायको आवाज उठान आएका हामी अहिले जिल्ला प्रहरी कार्यालयमा छौं । वार्ताबाटै काम टुङ्ग्याउन खोज्दा पनि उपर्युक्त वातावण नभएपछि हामी सडकमा उत्रिन बाध्य भएका हौं’, स्थानीय वालेन्द्र केसीले भने,’हामीले चालकलाई कारवाही र क्षतिपूर्तिको माग राखेका हौं। यस बारेमा छलफलसम्म गर्न पाइएको छैन।’

उक्त दुर्घटनामा मोटरसाइकलमा सवार प्युठानको झिमरुक गाउँपालिका-४ बांगेमरोठका १७ वर्षीय विशाल जिसी र नौवहिनी गाउँपालिका-६ लुङका १८ वर्षीय सागर केसीको मृत्यु भएको हो। उक्त घटनामा प्रहरीले टिपर र चालकलाई नियन्त्रणमा लिइसकेको जनाएको छ।

प्रकाशित मिति: आइतबार, पुस १, २०८० १२:४९

प्रतिक्रिया दिनुहोस्