भौतिक पूर्वाधार मन्त्री ज्वाला सवार गाडीमा आगजनी

समाचार

गृहपृष्ठ
समाचार
भौतिक पूर्वाधार मन्त्री ज्वाला सवार गाडीमा आगजनी

भौतिक पूर्वाधार मन्त्री ज्वाला सवार गाडीमा आगजनी

शुक्रबार, पुस १३, २०८० बागेश्वरी पोस्ट

ललितपुर । ललितपुरको ग्वार्कोमा आन्दोलनमा उत्रिएका युवाहरुको समूहले मन्त्रीको गाडीमा आगजनी गरेका छन् ।

ग्वार्को र ग्वार्को माथिको आकाशेपुलमा युवाहरुले आन्दोलन गरिरहेका बेला कोटेश्वरतर्फ आउँदै गरेको भौतिक पूर्वाधार मन्त्री प्रकाश ज्वालाको बा २ झ ५८६१ नम्बरको गाडीमा आगजनी गरिएको हो । मन्त्री ज्वालालाई गाडीबाट ओरालेर आगजनी गरिएको हो ।

कोरिया जान नपाएका रोजगार अनुमति प्रणाली (इपीएस) पीडितले ग्वार्कोस्थित इपीएसको शाखामा गरिरहेको आन्दोलनका क्रममा उक्त गाडीमा आगजनी गरेका हुन् । ग्वार्को क्षेत्र अहिले तनावग्रस्त छ । त्यहाँ ठूलो संख्यामा प्रहरी परिचालन गरिएको छ भने प्रहरीले दर्जनौं राउन्ड हवाई फायर गरेको छ ।

प्रकाशित मिति: शुक्रबार, पुस १३, २०८० १३:१७

प्रतिक्रिया दिनुहोस्